Aımaqtar • 16 Jeltoqsan, 2019

Almaty oblysy aldaǵy úsh jylda áleýmettik salany damytýǵa 1,2 trıllıon teńge baǵyttaýdy kózdep otyr

9 retkórsetildi

Oblys ákimi Amandyq Batalovtyń qatysýymen oblystyq máslıhattyń kezekti LV sessııasy ótti. Onda depýtattar oblystyń 2020-2022 jyldarǵa arnalǵan bıýdjettiń jobasyn talqylap, bekitti. Osy jıynda oblys ákimi 2020 jyldy oblysta gazdandyrý jyly bolady dep málimdedi, - dep habarlaıdy Almaty oblysy ákiminiń baspasóz qyzmeti.     

Sessııada oblystyq ekonomıka jáne bıýdjettik josparlaý basqarmasynyń basshysy Jomart Ámirhanov baıandama jasady. Ol óz baıandamasynda oblystyń aldaǵy úsh jylǵa arnalǵan bıýdjetiniń jalpy kólemi 1,8 trıllıon teńgeni quraıtyn shyǵys bóliginiń jobasyn qarastyrýǵa usyndy.

2020 jylǵa arnalǵan bıýdjet jobasy 579 mlrd. teńge somasynda anyqtaldy, bul 2019 jyldyń bekitilgen bıýdjetinen 27,9 paıyzǵa nemese 126 mlrd. teńgege artyq. Baıandamashynyń aıtýynsha, josparlanǵan qarajattyń eń kóp úlesi áleýmettik  salaǵa – 23,2%, turǵyn úı jáne ınjenerlik kommýnıkasııaǵa -18,6%, sýmen qamtamasyz etý – 4,1%, gazben qamtamasyz etýge – 2,7% jáne basqalaryna – 51,4% kóleminde bólingen. Jalpy aldymyzdaǵy úsh jylda áleýmettik salany damytýǵa 1,2 trıllıon teńge kózdelýde, bul oblys bıýdjeti kólemi 60 %-dan astamyn quraıdy.

Bıýdjet josparynyń jobasymen tanysqan depýtattar, ony biraýyzdan qoldap, daýys berdi.

Sonymen qatar osy basqosýda kelesi sessııanyń tóraǵasy saılanyp, oǵan depýtat Muhıt Úmbetov bekitildi. 

- Erterekte respýblıkadan bólinetin qarjydan oblystyń menshikti kirisi áldeqaıda tómen bolǵan jyldar da boldy. Al qazir bizdiń oblystyń menshikti kirisi - 248 mlrd. teńgege jetti. Buǵan biz ınvestısııa tartý arqyly, jańa óndirister ashý arqyly qol jetkizip otyrmyz. Elbasy shet eldermen iskerlik baılanys ornatyp, óńirlerge ınvetısııa tartýǵa jol ashyp berdi. Kúni keshe Prezıdentimiz Qasym-Jomart Toqaevtyń sheteldik iri ınvestorlarmen kezdesýlerinde Almaty oblysyndaǵy eki iri «Baýmann» jáne «Lýkoıl» ınvestısııalyq jobalarynyń talqylanǵany da bizdi erekshe qýantady. Kelesi jyldyń bıýdjetin qalyptastyrýdyń aldynda aýdan, qala ákimderiniń, oblystyq basqarma basshylarynyń jobalarymen tanystyq, usynystaryn tyńdadyq. Kelesi jyly eldi mekenderdi gazdandyrýǵa erekshe nazar aýdarylady. Eń bastysy, ótken jyly magıstraldy gaz qubyryn tarttyq, ATRS-ter saldyq, endi aýdan, qala ishilik gaz tartý jumystaryn qýzaý kerek. 2020 jyly osy maqsatqa baǵyttalǵan qarjyǵa qosymsha taǵy da qarajat bólemiz. Almaty oblysynda 2020 jyldy gazdandyrý jyly deýge bolady. Qazir Qapashaǵaı qalasynda bul jumysta alǵa jylýshylyq bar. Investorlar óz qarjysyna Zarechnyı aýylyna gaz jetkizdi.  Keıbir aýdandarda bul jumys múlde júrmeı jatyr. Orynbasarym Baǵdat Manzorov pen oblystyq energetıka jáne TÚKSh basqarmasyna osy ispen túbegeıli aınalysýdy tapsyramyn. Ákimderdiń, tıisti basqarmanyń kelesi jylǵy jumystaryn dál osy gazdandyrýdaǵy aıaq alysyna qarap baǵalaımyn, - dedi A. Batalov.

Oǵan qosa oblysta turǵyn úı salý da qarqyn alatyn boldy. Máselen, kelesi jyly Taldyqorǵanda 22 úı salyna bastaıdy. Oblys basshysy turǵyn úıge suranys kóp Qarasaı, Ile, Talǵar aýdandarynda da tutas shaǵyn aýdandar salý kerektigin de aıtty. Prezıdent Qasym-Jomart Toqaevtyń Joldaýynda úsh aýysymdy mektepterdi joıý týraly aıtylǵanyn eske sala otyryp, óńirde 38 mektep úsh aýysymdy sanatynda ekenin tilge tıek etti. Soǵan sáıkes oblysta kelesi jyly 32 mektep salynady. Qalǵanyn mektepti keńeıtý, ıaǵnı japsarjaı salý arqyly sheshýge bolady. Sol sııaqty ınjenerlik ınfraqurylymdardy damytý, mektepterge balalardy tasymaldaýǵa jáne Taldyqorǵan qalasynyń qoǵamdyq kólikterin jańalaýǵa zamanaýı avtobýstar satyp alý, «О́ńirlerdi damytý» jáne «Aýyl – el besigi» baǵdarlamalary boıynsha eldi mekenderdi kórkeıtý, shaǵyn jáne orta bıznesti qoldaý sııaqty mańyzdy jumystardy atqarý odan ári de jalǵastyrylatynyn jetkizdi. 

- Osy isterdiń barlyǵyn biz depýtattarmen birlesip atqaryp kelemiz. Táýelsizdik merekesi qarsańynda da jaqsy jańalyqtarymyz kóp. Merekege oraı eńbek sińirgen birqatar azamattardy memlekettik nagradalarmen marapattaımyz, qalalyqtarǵa jańa páter kiltterin beremiz. Osyndaı qýanyshty kúnderimiz kóp bolsyn! Barshańyzdy Táýelsizdik merekesimen quttyqtaımyn, - dedi A. Batalov.

Sońǵy jańalyqtar

Almaty jasyl qalaǵa aınalady

Qoǵam • Búgin, 06:50

Bala aýyrsa, bárimiz jaýaptymyz

Medısına • Búgin, 06:48

«Aqylǵa sáýle qonbasa...»

Qoǵam • Búgin, 06:46

Hakimdi jańasha túsinýdiń álippesi

Rýhanııat • Búgin, 06:45

Abaı sózi – qazaqtyń boıtumary

Qazaqstan • Búgin, 06:36

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Uqsas jańalyqtar