Jekelegen turǵyndardyń úı-jaı qurylysyna da, ónerkásiptik maqsatqa da paıdalanýǵa bolatyn ámbebap kabel ónimderi qaýipsizdigimen, otqa janbaıtyn qasıetimen erekshelenedi. «Oral Kabel» JShS-nyń quryltaıshysy Robert Irmenovtiń aıtýynsha, zaýyt ıtalııandyq eń zamanaýı qondyrǵylarmen jabdyqtalǵan, ári ekologııalyq qaýipsiz ónim shyǵarady.
- Biz jergilikti bıznes ókilderiniń óńdeý salasyna bet bura bastaǵanyna qýanyshtymyz. Búgin iske qosylyp otyrǵan zaýyt – Batys Qazaqstan oblysynda bul sala boıynsha biregeı kásiporyn. Sondyqtan jergilikti ákimdik zaýytqa jan-jaqty qoldaý kórsetedi. Kásiporynnyń ónimderin balabaqshalarǵa, dárigerlik mekemelerge, turǵyn úı qurylysyna paıdalanýǵa bolady. Biz ınvestorlarmen sóılesip, zaýytty odan ári damytýǵa, bolashaqta ındýstrıaldy salaǵa, munaı-gaz sektory naryǵyna shyǵýǵa shaqyrdyq. Eń bastysy - «Oral Kabel» zaýyty ónimderi halyqaralyq ASME sertıfıkatyna ıe, bul óz kezeginde kásiporynǵa Qarashyǵanaq, Qashaǵan, Teńiz ken oryndaryndaǵy sheteldik alıanstardyń tenderine qatysýǵa múmkindik beredi, - dedi zaýyttyń ashylý saltanatynda Batys Qazaqstan oblysy ákiminiń birinshi orynbasary Muhtar Mankeev.
Aıta keteıik, bul jobaǵa ınvestorlar tarapynan 3,4 mlrd. teńge qarjy quıylǵan. Zaýytta 40-50 adam qyzmet etedi.
Sýretti túsirgen Meıirbek TÁJQURANOV
Batys Qazaqstan
