Qazaqstan • 17 Jeltoqsan, 2019

Elimizdiń júz jyldyq jylnamasy bolǵan aǵa gazettiń mereıli mejesi qutty bolsyn! - Darhan Qydyráli

43 ret kórsetildi

1919 jyly Orynbor qalasynda «Ushqyn» gazetiniń alǵashqy sany jaryq kórdi. Bul qazirgi Egemen Qazaqstan gazeti, dep jazdy «Egemen Qazaqstan respýblıkalyq gazeti» aksıonerlik qoǵamynyń Basqarma tóraǵasy Darhan Qydyráli Facebook-tegi paraqshasynda.

«Osydan 100 jyl buryn, dálirek aıtqanda 1919 jyldyń 17 jeltoqsanynda Alashtyń sol tustaǵy astanasy Orynbor shaharynda «Ushqyn« degen gazet dúnıege keldi.

Alǵashqy sany beren aqyn Bernııaz Kúleevtiń:
"...Altyn Altaı, Edil, Jaıyq, Saryarqa –

Saýyt kıip, sadaq tartqan er bar ma;
Arý azyp, er úrkek bop, jer tozyp,
Jaýǵa jaǵa jyrttyrmaǵan el bar ma?
Alty alashtyń qyzyl týyn qolyńa al,

Ertede erkin ótken kúnin oıyńa al.
Eldi jerden, erdi erikten aıyrǵan,

Dushpanyńdy taban tirep jolyńa al..." dep bastalatyn otty jyrymen, aıryqsha arnaýymen jaryq basylym artynsha "Eńbekshi qazaq" bop ózgerip, qazaqqa "qazaq" atyn qaıtarýǵa úles qosty.

Qazaqtyń qabyrǵaly qaıratkerleri men qarymdy qalamgerleri qyzmet atqarǵan gazet toqsanynshy jyly «Azattyq. Teńdik« degen uran men «Egemendi Qazaqstan« degen ataýdy tańdap alyp, elimizge egemendikti súıinshiledi. Osylaısha eldikke qyzmet etken el gazeti Egemen Qazaqstan búgin 100 jasqa tolyp otyr!», dep jazdy  Darhan Qydyráli. 

Bıyl Egemen Qazaqstan gazeti óziniń 100 jyldyǵyn keń kólemde respýblıka aýmaǵynda atap ótti.

«Bıyl Abaı elinen, Alash qalasynan bastalǵan bas basylymnyń ǵasyrlyq toıy Orynborda támamdaldy. Almaty men elordada, jer-jerde kóptegen sharalar uıymdastyrylyp, ótkenge taǵzym ettik. Osy sharalarǵa atsalysqan, qoldaý kórsetken, tilekshi bolǵan barsha dostarǵa alǵys aıtamyn! Táńir jarylqasyn! Elimizdiń júz jyldyq jylnamasy bolǵan aǵa gazettiń mereıli mejesi qutty bolsyn! Jańa ǵasyrǵa qadam basqan Egemenniń joly uzaq bolyp, elimizben birge jasaı bersin!», - dedi «Egemen Qazaqstan respýblıkalyq gazeti» aksıonerlik qoǵamynyń Basqarma tóraǵasy Darhan Qydyráli Facebook-tegi paraqshasynda.

 

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar