Mýzeıdegi árbir bólimniń ózindik eresheligi bar. «Almaty - Táýelsizdiktiń altyn besigi» ekspozısııasynda uıymdastyrylǵan mýltımedıalyq kórme kelýshilerge Táýelsizdiktiń altyn besigi – Almaty qalasynyń tarıhymen tanysýdyń biregeı múmkindigin usynady.
Mýzeı qyzmetkeri Gúlnazym Sársenovanyń aıtýynsha, kelýshiler úshin tarıhı materıaldy taný erekshe áser beredi deýge negiz bar. Munda jaryq ári zamanaýı qazaqstandyq megapolıstiń keshegisi men búgingi kelbeti týraly áserli kompozııasııalar úılesim tapqan. Almaty elimizdiń qarjylyq, ekonomıkalyq, mádenı, týrıstik ortalyǵy boldy jáne solaı bolyp qala bermek.
Kórmeniń mýltımedıalyq formaty qala jáne Jetisý óńiri jónindegi biregeı tarıhı sýretter men beınematerıaldardy qamtıdy. Materıaldardy serpindi jáne ınteraktıvtik formatta kórsetý qala tarıhynyń mańyzdy kúnderi men faktilerin jeńil túrde tanystyrýǵa múmkindik beredi. Úlken ekrandardaǵy kórsetilimder, anımasııalar elementteri men mýzykalyq kórkemdeý qonaqtardyń qala tarıhy ahýalyna «dendep boılaý» múmkindigin syılaıdy.
3D-týr Almatynyń Respýblıka alańy, «Medeý» sport kesheni, QR Tuńǵysh Prezıdenti saıabaǵy, Kóktóbe, ýnıversıadanyń «Muz aıdyny 1» sport nysany, ýnıversıadanyń «Muz aıdyny 2» sport nysany, Abaı atyndaǵy opera jáne balet teatry, Qasıetti Voznesensk sobory, «Boraldaı saq obalary» arheologııalyq parki, «Qazaqstan» meımanhanasy, tramplınder kesheni, Dańq Memorıaly, Qazaq memlekettik sırki, Atletıkalyq qalashyq, «Alataý» shıpajaıy, QR Tuńǵysh Prezıdenti qorynyń «Jaılaý» golf-klýby, Metronyń Abaı stansasy, Almaty qalasynyń ortalyq meshiti sııaqty kórnekti jerlerin tamashalaýǵa múmkindik beredi.
