Álem • 17 Jeltoqsan, 2019

Madrıdte Azııa men Eýropa elderi arasyndaǵy áriptestikti tereńdetý perspektıvalary talqylandy

12 ret kórsetildi

Qazaqstan Syrtqy ister mınıstri Muhtar Tileýberdi «Azııa-Eýropa» forýmyna qatysýshy elderdiń syrtqy ister mınıstrleriniń 14-shi keńesine (SIMK) qatysty. Is-sharaǵa 51 Azııa men Eýropa, sondaı-aq EO men ASEAN elderiniń syrtqy saıası vedomstvolarynyń basshylary qatysty.

Azııa men Eýropa arasyndaǵy turaqty ózara baılanysty qurýǵa arnalǵan plenarlyq sessııada sóılegen sózinde Mınıstr M. Tileýberdi Qazaqstannyń kópvektorly syrtqy saıasatynyń negizgi baǵyttary týraly aıtyp ótti. Atap aıtqanda, Qazaqstan SIM basshysy Qazaqstan tarapy QR Prezıdenti Qasym-Jomart Toqaevtyń memlekettik saıasatynyń basymdyqtaryna sáıkes qolǵa alǵan kúsh-jigeri týraly aıtyp berdi. Qazirgi ýaqytta «Nurly jol» memlekettik baǵdarlamasy men «Beldeý jáne jol» bastamasy aıasynda ınfraqurylymdyq jobalar tabysty júzege asyrylýda.

EKSPO-2017 tabysty ótkizý jáne halyqaralyq jasyl tehnologııalar ortalyǵyn jáne ınvestısııalyq jobalardy iske qosý konteksinde «jasyl ekonomıkaǵa» kóshý taqyrybyna erekshe nazar aýdaryldy. Azııa men Eýropa arasyndaǵy qarjy jáne tehnologııalyq jelilerdi damytý maqsatynda «Astana» Halyqaralyq qarjy ortalyǵy, «Astana Hub» halyqaralyq IT startap parki jáne Nazarbaev Ýnıversıteti sııaqty qazaqstandyq bastamalardy paıdalanýdy usyndy.

SIMK aıasynda qatysýshylar halyqaralyq saıasattyń, sonyń ishinde ıadrolyq taratpaý, kıberqaýipsizdik, Sırııa men Aýǵanstandaǵy jaǵdaı jáne klımattyń ózgerýi salasyndaǵy ózekti máseleleri boıynsha pikir almasty.

Kezdesý qorytyndysy boıynsha ASEM Tóraǵasynyń Málimdemesi qabyldandy, onda ASEM qatysýshy elderdiń syrtqy ister mınıstrleri Azııa men Eýropa elderi arasyndaǵy ózara baılanys pen ózara tıimdi yntymaqtastyqty odan ári nyǵaıtýǵa yqpal etý nıetin rastady. Qatysýshylar QR Tuńǵysh Prezıdenti – Elbasy Nursultan Nazarbaevtyń «G-Global» bastamasyn Azııa men Eýropa arasyndaǵy ózara baılanysty nyǵaıtý úshin kommýnıkasııalyq platforma retinde atap ótti.

Mınıstrler málimdemesinde sondaı-aq 2020 jylǵy maýsymda Nur-Sultanda jahandyq saýda júıesin nyǵaıtý úshin aıtarlyqtaı nátıjeler beretin DSU-nyń 12-shi mınıstrlik konferensııasyn ótkizýdiń mańyzdylyǵyn atap ótti.

«Azııa-Eýropa» forýmy (ASEM) 1996 jylǵy 1 naýryzda Bangkok qalasynda (Taıland) qurylǵan. Qazirgi ýaqytta ASEM quramyna Azııa men Eýropanyń 51 memleketi, sondaı-aq EO jáne ASEAN Hatshylyǵy kiredi. Negizgi maqsat - Azııa men Eýropa arasyndaǵy dıalog pen yntymaqtastyqty damytý. ASEM sheńberinde ózara is-qımyl úsh baǵyt boıynsha júzege asyrylady: saıasat jáne qaýipsizdik, ekonomıka jáne qarjy, bilim jáne áleýmettik-mádenı sala.

Sońǵy jańalyqtar

Qaı elderge shyǵýǵa ruqsat berilgen?

Týrızm • Búgin, 06:13

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar