Osy jyldar ishinde Táýelsizdikti nyǵaıtýǵa barsha qazaqstandyqtarmen birge Jambyl oblysynyń turǵyndary da laıyqty úles qosty deýge bolady. Búginde Áýlıeata óńiri serpindi damý jolyna túsip, óziniń áleýetin kórsetti. Aǵymdaǵy jyldyń ózinde oblystyń aralyq ekonomıkalyq ósimi 5 paıyzdan asqan. О́nerkásip óndirisiniń kólemi 6,5 paıyzǵa, negizgi kapıtalǵa salynǵan ınvestısııalar 15 paıyzǵa artyp otyr.
Bul rette jeke ınvestısııalardyń úlesi 20 paıyzǵa artqanyn da aıta ketý kerek. «Jyl basynan beri 430 myń sharshy metr turǵyn úı paıdalanýǵa berildi, al jyl boıynsha 485 myń sharshy metr turǵyn úı paıdalanýǵa beriledi dep kútilýde. Eń tómengi jalaqy 1,5 esege artty. «Eńbek» baǵdarlamasyna 36 myń adam qatysyp, 27 myń adam jumyspen qamtyldy. 18 myń jańa jumys orny quryldy, onyń ishinde 11,5 myńy turaqty. Bilim berý salasynda 15 mektepke deıingi uıym ashyldy, 3 jastan 6 jasqa deıingi balalardy qamtý 100 paıyzǵa jetti. Sondaı-aq, aýyl halqyn alǵashqy medısınalyq kómek nysandarymen 100 paıyz qamtý, aǵymdaǵy jyly 65 medısınalyq mekeme salý nátıjesinde bolyp otyr. Jambyldyqtardyń ál-aýqatyn jaqsartýǵa memlekettik jáne salalyq baǵdarlamalar baǵyttalǵan. Jeke qosalqy sharýashylyqtardy qoldaý jónindegi pılottyq jobany iske asyrý sheńberinde halyqtyń tabysyn arttyrýda mańyzdy perspektıvalar ashylýda», deıdi Jambyl oblysynyń ákimi Asqar Myrzahmetov. Sondaı-aq, jyl basynan beri 123 áleýmettik-ekonomıkalyq nysandar jańadan ashylyp, birqatar nysandar qaıta jańǵyrtylǵan. Onyń ishinde 20 bilim, 65 densaýlyq saqtaý nysandary bolsa, 18 turǵyn úı, 130 sport alańdary el ıgiligine berilgen.
Jambyl oblysy
