Qazaqstan • 18 Jeltoqsan, 2019

Alǵashqy halyqaralyq baǵyt ashyldy

69 retkórsetildi

Taıaýda otandyq alǵashqy loýkoster FlyArystan kompanııasy elordamyzdan Máskeýge qatynaıtyn alǵashqy halyqaralyq ushaq baǵytyn ashty. Áýe kompanııanyń baspasóz qyzmeti habarlaǵandaı, Nur-Sultan Máskeý baǵytyndaǵy bılettiń baǵasy naryqtaǵydan shamamen 60 paıyzǵa tómen.

Prezıdent  Qasym-Jomart Toqaev Joldaýynda elimizde ushaq bıletteriniń qymbat ekenin synǵa alyp, Úkimetke osy máseleni sheshý joldaryn qarastyrýdy tapsyrǵany málim. FlyArystan ashqan jańa baǵyt osy olqylyqty joıýǵa baǵyttalǵan qadamdardyń biri bolyp tabylady. Nur-Sultannan Máskeýge Airbus A320 ushaǵymen barý quny – 19 999 teńge. Áýe kompanııasynyń saıtynan aldyn ala satyp alǵan jaǵdaıda Reseı astanasyna deıingi úsh saǵattan sál-aq asatyn sapar úshin 9 999 teńge tóleýge múmkindik bar ekenin aıta keteıik.

AirAstana kompanııasynyń prezıdenti Pıter Fosterdiń sózine qaraǵanda, otandyq loýkoster ashylǵan 7 aıdyń ishinde elimizdiń áýe tasymaly naryǵy aıtarlyqtaı damyp keledi.

 – Qazaqstannyń 8 áýejaıynan ushatyn jolaýshylar sany orta eseppen 35 paıyzǵa kóbeıdi. Qazan aıynda jańa bort iske qosylǵannan keıingi aralyqta bul kórsetkish taǵy birshama kóterildi. Biz ózimizdi naryqtaǵy senimdi, halyqtyq kompanııa retinde kórsettik dep sanaımyn. Qazaqstannyń túrli aımaqtaryna ǵana emes, basqa elderge de barǵysy keletin adamdar kóp ekenine senimdimiz, sol úshin de jańa reısti ashtyq, – dedi ol.

Qazaqstannyń bas qalasynan kelgen Airbus A320 ushaǵyn Máskeýdegi Jýkovskıı áýejaıynan «Ramport Aero» AQ bas dırektorynyń orynbasary Adeksandr Semenov bastaǵan arnaıy top saltanatpen kútip aldy.

– Qazaqstannyń alǵashqy loýkosteri alǵashqy halyqaralyq baǵyt retinde bizdiń eldi, bizdiń áýejaıdy tańdaǵanyna óte qýanyshtymyz. Bul biz úshin úlken jaýapkershilik. Aldaǵy ýaqytta Jýkovskıı áýejaıy osy baǵyttyń uzaq ári tabysty baılanystardyń bastaýy bolýy úshin barlyǵyn jasaıdy,– dedi A.Semenov.

Áýe laıneri Nur-Sultan qalasynan Máskeýge kún saıyn keshki 22-10-da ushyp, Máskeý ýaqytymen 22-40-ta jetedi. Keri baǵytta Máskeý ýaqytymen 23:25-te ushyp, elorda ýaqytymen 05:35-te jetedi. Áýe kompanııasynyń ókilderi bul ýaqyt qazaqstandyqtardyń Máskeýde barynsha kóbirek ýaqyt ótkizýine yńǵaıly jaǵdaı jasaý úshin tańdalǵanyn aıtady.

Máskeýdiń irgesindegi Jýkovskıı áýejaıynyń ashylǵanyna birneshe jyl ǵana bolsa da, Reseı astanasyndaǵy tez úlkeıip kele jatqan áýejaılardyń biri ekenin aıta keteıik. Byltyr áýezjaı qyzmetin 1 mln 200 myńǵa jýyq adam paıdalanyp, aldyńǵy jylmen salystyrǵanda kórsetkish 180 paıyzǵa ósipti. FlyArystan-nyń 180 adamdyq áýe laıneri kele bastaǵannan keıin áýejaıdyń jolaýshy qabyldaý kórsetkishi keminde 30 paıyzǵa kóterilmek.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar