Rýhanııat • 18 Jeltoqsan, 2019

«Sahnager-2019» Ulttyq teatr syılyǵynyń ıegerleri anyqtaldy

124 ret kórsetildi

Nur- Sultan qalasynda Mádenıet jáne sport mınıstrligi Qazaqstan teatrlar assosıasııasynyń uıymdastyrýymen «Sahnager-2019» Ulttyq teatr syılyǵynyń saltanatty marapattaý keshi ótti. Bul týraly Mádenıet jáne sport mınıstrliginiń baspasóz qyzmeti habarlady.

Olardyń qatarynda drama, opera, balet, qýyrshaq, jastar teatrlarynda eńbek etip júrgen, aıryqsha daryny men shyǵarmashylyǵy arqyly el óneriniń damýyna erekshe úles qosqan kásibı mamandar bar. Ádettegideı «Sahnager - 2019» ulttyq syılyǵy - 2018-2019 jyldardaǵy teatr maýsymynyń qorytyndysy boıynsha basty nomınasııa «Sahnager» syılyǵy men arnaıy kýbogy 18 úzdik mamanǵa berildi.

«Úzdik dramatýrg» nomınasııasymen dramatýrg Roza Muqanova marapattaldy. Al «Úzdik rejısser» nomınasııasyn  Gúlsına Merǵalıeva aldy.

Bıyl «Teatr óneriniń damýyna qosqan erekshe úlesi úshin» nomınasııasy 4 sahna sheberine, «Sahnalyq ǵumyr» nomınasııasy shyǵarmashylyq eńbek ótili elý jyldan kem emes 2 óner ardagerine (Q.Qýanyshbaev atyndaǵy Qazaq memlekettik akademııalyq mýzykalyq drama teatrynyń negizin qalaýshylardyń biri, aktrısa, Qazaqstannyń eńbek sińirgen artısi, «Qurmet» ordeniniń ıegeri Rymkesh Omarhanova – «Sahnalyq ǵumyr» arnaıy nomınasııasymen), sondaı-aq sahnada úzdik ónerimen jarqyrap kóringen talantty 30 jas mamanǵa «Úmit» syılyǵy tabys etildi.

Akter, Qazaqstannyń eńbek sińirgen qaıratkeri - Núrken О́teýil – «Úzdik akter»;

Jas akter, kompozıtor, «Serper» Jastar Odaǵy syılyǵynyń ıegeri Oljas Jaqypbek «Úmit» nomınasııasymen marapattaldy.

Aıta keteıik, «Sahnager-2019» Ulttyq teatr syılyǵy – elimizdiń mádenı keńistigin biriktirip qana qoımaı, memleketimizdiń kópultty teatr óneriniń damýyna tirek bolatyn kórkemdik estetıkalyq jáne rýhanı qundylyqtardy nasıhattaıdy. Búgingi teatr óneri úrdisindegi jańashyldyq pen sahnalyq izdenisterdi kópshilikke dáriptep, óskeleń urpaqtyń boıynda otansúıgishtik qasıetter men eldik sezimderdi arttyrýǵa jol ashady. Sonymen qatar baıqaý respýblıkalyq jáne óńirlik teatrlardyń shyǵarmashylyq kelbetin saqtaý men damytýdaǵy rólin aıqyndap, damytýǵa múmkindik týǵyzady.

 

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Atyraýda jol apatynan 39 adam kóz jumdy

Aımaqtar • Búgin, 09:58

Uqsas jańalyqtar