Shamamen 130 adam qaýipsiz jerlerge jetkizilgen. Al 220-ǵa jýyq jolaýshy jylytý oryndarynyń ıgiligin kórdi. Taıaýdaǵy kúnderi kúshti boran, kóktaıǵaq bolyp, sonyń saldarynan birneshe baǵyttaǵy tas joldar jabylǵan bolatyn. Alaıda, eskertýdi elemeı jolǵa shyǵatyndar azaımaı tur. Olar keıin qar qursaýynda, keıbir jaǵdaıda, tipti apatqa da ushyrap jatady. Tótenshe jaǵdaılar qyzmetiniń mamandar mal izdep shyqqan turǵyndardy jáne 3 traktormen jolǵa shyqqan jumysshylardy aqtútek boranda aman-esen tapty. Arqa qysynyń qahary áli alda. Sondyqtan mamandar turǵyndardy eskertip, saq bolýǵa shaqyrady.
- Oblystyń azamattyq qorǵanys salasy kúsheıtilgen tártipte jumys isteýde. Jergilikti polısııa qyzmeti jáne atqarýshy bılik ókilderimen birlesip jedel toptar quryldy. Atqarylǵan jumystardyń arqasynda adamdardyń barlyǵy aman. Sońǵy kúnderdegi jaǵdaı jol tazalaıtyn mekemelerde tehnıka tapshylyǵy bar ekenin kórsetti. Aldaǵy ýaqytta osyny sheshý qajet, – deıdi oblystyq tótenshe jaǵdaılar jónindegi departamentiniń bastyǵy Alekseı Sovetov.
