Sharaǵa bank aksıonerleriniń ókiletti ókilderi: Armenııadan – vıse-premer M. Grıgorıan jáne qarjy mınıstriniń orynbasary A. Aırapetıan, Belarýsten – qarjy mınıstri M. Ermolovıch jáne ekonomıka mınıstri D. Krýtoı, Qyrǵyzstannan – qarjy mınıstri B. Jeenbaeva jáne ekonomıka mınıstri S. Mýkanbetov, Reseıden – úkimet tóraǵasynyń birinshi orynbasary – qarjy mınıstri A. Sılýanov jáne qarjy mınıstriniń orynbasary S. Storchak, Tájikstannan – qarjy mınıstri F. Kahhorzoda jáne ekonomıkalyq damý jáne saýda mınıstri Z. Zavkızoda, Qazaqstannan – Premer-Mınıstrdiń birinshi orynbasary – Qarjy mınıstri Á. Smaıylov qatysty.
Kezdesý aldynda AHQO aýmaǵynda Bank keńsesin ashý resmı rásimi ótti – EDB «Astana» halyqaralyq qarjy ortalyǵynda ornalasqan alǵashqy damý banki boldy.
«EDB Eýrazııalyq ekonomıkalyq odaqqa múshe memleketterdiń yntymaqtastyǵyn damytýǵa jáne birlesken jobalardy qarjylandyrýǵa qomaqty úles qosýda», — dedi A. Mamın.
Otyrysta Eýrazııalyq damý bankiniń 2019 jylǵy jumys qorytyndysy talqylanyp, 2020 jylǵa arnalǵan mindetter aıqyndaldy. Keńes iri ınvestısııalyq jobalardy bekitý, sıfrlyq bastamalardy iske asyrý jáne Bank qatysýshylarynyń quramyn keńeıtý máselelerin qarastyrdy.
Osy jyly 1 jeltoqsandaǵy jaǵdaı boıynsha EDB-nyń ınvestısııalyq qorjyny $4 mlrd-tan asty, ósimi 2018 jylmen salystyrǵanda 18% ($621 mln) qurady. Bıyl 11 aıda $1,2 mlrd jýyq kólemdi qamtıtyn 23 jańa ınvestısııalyq jobaǵa qol qoıyldy, olar energetıka (27,9%), ınfraqurylym (22,4%), qarjy sektory (15%) jáne basqa da salalardy qamtıdy. Banktiń ınvestısııalyq qorjynynyń elder qurylymy boıynsha Reseıdegi (42,8%) jáne Qazaqstandaǵy (42%) jobalary basym. Onyń 11,2% - Belarýske, 2,3% – Armenııaǵa, 1,6% – Qyrǵyzstanǵa, 0,1% – Tájikstanǵa tıesili.
Bıyl EDB qarjy ınstıtýttaryn – jergilikti bankterdi eseptik qyzmet kórsetýdi iske qosty, osylaısha, «bankter úshin bank» tujyrymdamasyn júzege asyrdy, jáne jergilikti bırjalardy qamtydy. 1 jeltoqsandaǵy jaǵdaı boıynsha 40 qarjy ınstıtýty úshin 134 esepshot ashyldy.
