Prezıdent • 18 Jeltoqsan, 2019

Prezıdent atyna Táýelsizdik kúnine oraı quttyqtaý jedelhattary kelip túsýde

28 retkórsetildi

Qasym-Jomart Toqaevtyń atyna Qazaqstan Respýblıkasynyń Táýelsizdik kúnine oraı shet memleketterdiń basshylary men halyqaralyq uıymdardyń jetekshileri atynan quttyqtaý jedelhattary tolassyz kelip túsýde. Bul týraly Aqordanyń baspasóz qyzmeti habarlady.

BUU Bas hatshysy Antonıý Gýterrısh Qazaqstan halqyn ulttyq merekesimen quttyqtady.

«Biz búginde halyqaralyq yntymaqtastyq burynǵydan da asa qajet qıyn zamanda ómir súrip jatyrmyz. «Biz, BUU halqy» beıbitshilik, turaqty damý jáne adam quqyǵy aıasynda izgi nıetpen birige alsaq, budan búkil álem utady», – delingen quttyqtaý jedelhatynda.

Saýd Arabııasynyń Koroli Salman ben Abdel Azız Ál Saýd Qasym-Jomart Toqaevtyń atyna joldaǵan quttyqtaýynda: «Dostas Qazaqstan halqynyń ósip-órkendeı berýin, Sizge zor densaýlyq jáne baqyt tileımin»,– dep jazǵan.

Fransııa Prezıdenti Emmanıýel Makron fransýz halqynyń atynan Qazaqstanǵa baq-bereke tilegen.

«Elderimiz arasyndaǵy qarym-qatynastyń joǵary dárejede ekenin erekshe atap ótkim keledi. 2018 jyldyń 18 qazanynda Tuńǵysh Prezıdent Nursultan Nazarbaevpen Brıýsselde ótken Eýropa-Azııa sammıtiniń aıasynda kezdeskenimizde ekonomıkanyń úsh basym baǵyty boıynsha, atap aıtqanda, aýyl sharýashylyǵy jáne taǵam óndirisi, sıfrly damý, energııa kózderin jańartý salalarynda yntymaqtasa jumys isteýge ýaǵdalasqanymyzdy bilesiz. Endi osy salalardaǵy bastamalarymyzdy birge iske asyrýymyz kerek. Ol úshin aldaǵy on jylǵa baǵyttalǵan strategııalyq áriptestiktiń jol kartasyn birlesip anyqtasaq jón bolar edi. Bul bizdiń birlesken jańa jobalarymyzdyń iske asýyna kóp septigin tıgizedi», – dep jazady Fransııa Prezıdenti.

Emmanıýel Makron Qazaqstannyń ujymdyq qaýipsizdik jáne atom energııasyn beıbit maqsatta paıdalaný sekildi bastamalaryn qoldaıtynyn aıtqan.

Belarýs Prezıdenti Aleksandr Lýkashenko Qazaqstan táýelsizdik jyldarynda áleýmettik-ekonomıkalyq damý, turaqtylyq pen ulttyq kelisimdi qamtamasyz etý boıynsha zor jetistikterge jetkenin atap ótti. 

«Jahandyq qaýipsizdikke, Eýrazııa keńistigindegi ıntegrasııalyq úderisterdi tereńdetýge, órkenıetti qoǵam qurýǵa mańyzdy úles qosyp otyrǵan Qazaqstan halyqaralyq baılanystarda abyroıly memleket retinde bedelin nyǵaıtty. О́zara senimge, qoldaýǵa jáne tyǵyz seriktestikke negizdelgen dástúrli Belarýs-Qazaqstan dostyq qatynastary aldaǵy ýaqytta da eki eldiń ıgiligi úshin arta beredi dep senemin», – delingen jedelhatta.

Sondaı-aq Táýelsizdik kúnine oraı Grýzııa Prezıdenti Salome Zýrabıshvılıden, Moldova Prezıdenti Igor Dodonnan, Egıpet Arab Respýblıkasynyń Prezıdenti Abdel Fattah As-Sısıden, Armenııa Premer-Mınıstri Nıkol Pashınıannan, Saýd Arabııa Koroldiginiń Taq murageri, Mınıstrler keńesi tóraǵasynyń orynbasary, Qorǵanys mınıstri Mýhammad ben Salman Abdel Azız Ál Saýdtan, Tatarstan Prezıdenti Rýstam Mınnıhanovtan quttyqtaý hattar keldi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar