Jasyl damý – ǵylymı-tehnıkalyq keńesti kúsheıtpek

­29 qarasha kúni Nur-Sultan qalasynda Jasyl tehnologııalar men ınvestısııalyq jobalar halyqaralyq ortalyǵynda (IGTIC) Ǵylymı-teh­nı­ka­lyq keńestiń birinshi otyrysy ótti. IGTIC basqarma tóraǵasy Ramazan Jampıısov keńes jumysyn asha otyryp, ortalyqtyń basty maqsaty – jasyl tehnologııalardy ilgeri damytý men ekonomıka básekelestigi jáne turǵyndardyń ómir sapasyn arttyrý men qorshaǵan ortaǵa degen keri áserdi azaıtý úshin bızneske qoldaý kórsetý ekenin jetkizdi. Bul baǵyttardyń barlyǵynda ǵylymnyń, ǵylymı-tehnologııalyq damýdyń jáne eks­pert­tik qorytyndy júrgizýdiń róli asa mańyzdy.

Sondaı-aq ǴTK-nyń uıymdas­ty­­rýshylyq qurylymy men qura­my beki­tildi. Keńesti tanymal ǵa­lym, Senat depýtaty Baqytjan Jumaǵulov bas­qardy. Tóraǵanyń «Qal­dyqtardy bas­qarý», «Turaqty ener­gııa resýrs­ta­ry», «Turaqty qala», «Tu­raq­ty aýyl sharýashylyǵy», «Eko­lo­gııa, qorshaǵan ortany qorǵaý» ba­ǵyt­­tary bo­ıynsha orynbasarlary bolyp Gleb Shegelskıı, Temirhan Dosmuhambetov, Uzaqbaı Qarabalın, Shynbolat Baıqulov, Aıdar Taty­ǵu­lov, Rapıl Joshybaev taǵaıyn­dal­dy.

«Jasyl ǴTK-ny qurýdyń alǵy­shar­ty retinde jasyl tehnologııalardy ilgeri jyljytýdyń zańnamalyq-quqyqtyq negizi paıda boldy. Bul jańa Ekologııalyq kodekstiń jobasyna ený kerek. Jasyl tehnologııalardyń beki­tilgen tizimi joq bolǵandyqtan, sáı­­kesinshe ony qoldaný boıynsha sta­tıstıkalyq aqparattar da joq. Mem­leket jańa (ekologııa) mınıs­tr­­lik arqyly «jasyl» tehnologııa­lar­­dy engizý men qoldaný kezinde bıznes úshin ekonomıkalyq ynta men qoldaýdy bekitýge nıetti», dep túsindirdi ǴTK IGTIC pen ǵylymı-teh­­nologııalyq keńsesiniń jetekshisi Gúlbazar Medıeva.

Búginde IGTIC-te jasyl tehnologııalar salasyna qarasty 300 jobadan tu­ra­tyn júıe jınaqtalyp qaldy. Sol sebepti jasyl ekonomıkaǵa qatysty máselelerdi sheshý úshin eksperttik jáne ǵylymı qoǵamnyń qoldaýy asa mańyzdy.

«Qazaqstan alǵashqylardyń biri bolyp jasyl ekonomıkaǵa kóshý tu­jy­rymdamasyn qabyldady. 2013 jyly Tuńǵysh Prezıdent – Elbasy Nursultan Nazarbaev bekitken stra­tegııalyq qujatta alǵash ret eko­lo­gııa­lyq problemalardy eko­no­mı­­kanyń ekologızasııasy, zańnama men qoǵam arqyly sheshýdiń ádisteri kel­tirilgen bolatyn. Sol sebepti, tu­raq­ty damý maqsattaryna qol jetkizý úshin qorshaǵan orta jaǵdaıynyń nasharlaýy saldarynan bolatyn eko­nomıkalyq ósimge qatysty máse­le­ni túpkilikti sheshý qajet. Bul tur­ǵyda, memleketterdiń jańa teh­no­lo­gııalar men bilimge degen qolje­ti­mdi­ligin keńeıtý kerek», dedi Baqytjan Jumaǵulov.

Otyrys sońynda qatysýshylar ǴTK qurylý máselesin talqylap, pikir almasty. Oǵan qosa, olar keńes­tiń maqsat-mindetterin anyq­ta­dy. Atal­ǵan keńes keshendi baǵa­laý, aka­demııalyq saraptama men eks­pert­tik súıemeldeý, eksperttik qo­ry­­­tyndylardy daıyndaý, usy­nys­tar­dy óńdeý jáne taǵy da basqa is-sha­ra­lar­dy júzege asyrady.

«ǴTK áreketti ári paıdaly alań bolaryna senemiz. Keńes quramyna Úkimet pen joǵary laýazymdy adam­dar­ǵa birden shyǵa alatyn tul­ǵa­lar endi. Eksperttik qoǵam ne isteý keregi men qandaı máseleler bary jáne ony sheshý joldaryn jaqsy biledi. Keńestiń eki mindeti bolý kerek: problemalardy anyqtap sheshim qabyldaý, ekinshisi – barynsha tıimdi jobalardy tańdap, iske qosý olardy ómirge qosý», dedi Ǵylymı-teh­nı­ka­lyq keńestiń múshesi, ınnovasııalar men balamaly energetıka boıynsha halyqaralyq maman Vladımır Kım.

Anna ShOLGINA