Úkimet • 19 Jeltoqsan, 2019

«Altyn adamnyń álem mýzeılerine sherýi» boıynsha konferensııa ótti

24 ret kórsetildi

Qazaqstan Respýblıkasynyń Ulttyq mýzeıinde bıyl «Altyn adamnyń álem mýzeılerine sherýi» halyqaralyq kórme jobasyn iske asyrý qorytyndylary boıynsha baspasóz konferensııasy ótti. Bul týraly Premer-Mınıstrdiń baspasóz qyzmeti habarlady.

Málim bolǵandaı, «Altyn adamnyń álem mýzeılerine sherýi» jobasy shetel jurtshylyǵyn halqymyzdyń ejelgi tarıhymen, mádenıetimen jáne ónerimen tanystyrý maqsatynda iske asyrylyp jatyr.

Bıyl Esik qorǵanynan tabylǵan Altyn adam álemniń alty jetekshi mýzeıinde kórsetildi. 2019 jyly birinshi bolyp «Uly dala: tarıh jáne mádenıet» kórmesi Tatarstan astanasynyń turǵyndary men qonaqtaryna «Qazan Kremli» memlekettik qoryq-mýzeıinde tanystyryldy. «Manej» kórme zalynda Altyn adammen qatar, Uly Dalanyń ejelgi jáne ortaǵasyrlyq zergerlik óner sheberleriniń buıymdary usynyldy. Baspasóz konferensııasyna qatysqan Qazan qalasyndaǵy Islam mádenıeti mýzeıiniń basshysy Nızamıev Ilnýr Ildaruly Nızamıev Ilnýr Ildarovıch kórmeniń joǵary mádenıet pen arheologııanyń merekesi bolǵanyn atap ótti.

О́zbekstan, Soltústik Makedonııa, Túrkııa, Malaızııa jáne Grekııanyń jetekshi mýzeılerinde sátti ótkizilgen «Uly Dala: tarıh jáne mádenıet» atty kelesi kórmelerde basty eksponat bolǵan Esikten tabylǵan Altyn adammen birge Taqsaı hanshaıymy da usynyldy. Kórme jádigerleri dala órkenıeti tarıhynyń, kóshpeli ımperııalardyń uly jeńisteri men órleýiniń aıǵaqtary.

Kórmelerde atqa miný mádenıetiniń qalyptasýy, ejelgi metallýrgııanyń damýy, saq kezeńindegi «Ań stıliniń» damýy men sabaqtastyǵynyń ereksheligi, Uly Jibek jolynyń ortaǵasyrlyq qala mádenıetiniń damýyna áseri jan-jaqty qamtyldy. Sheteldik aýdıtorııaǵa qazaqtardyń usynylǵan dástúrli sándik-qoldanbaly óneriniń buıymdary arqyly qazirgi Qazaqstan aýmaǵynda turatyn halyqtardyń dástúrleri men óneriniń sabaqtastyǵy jáne ár eksponattyń tereń maǵynalyq máni kórsetildi.

Úsh jyl ishinde Qazaqstan sımvoly — «Altyn adam» taıaý jáne alys shet elderdiń 12 elinde usynyldy.

Baspasóz konferensııasyna Qazaqstan Respýblıkasy Ulttyq mýzeıi dırektorynyń orynbasary Almaz Shaıkenuly Nurazhan, О́zbekstannyń Memlekettik óner mýzeıiniń dırektory Vasıla Salıhovna Faızıeva, Soltústik Makedonııa Ulttyq arheologııalyq mýzeıiniń dırektory Goran Sanev, Qazan qalasyndaǵy Islam mádenıeti mýzeıiniń basshysy Nızamıev Ilnýr Ildarovıch, Túrkııanyń Anatolıı órkenıetteri mýzeıiniń dırektorynyń orynbasary Murat Iyldyrym, Tabıǵı tarıh mýzeıi dırektory Farızavatı bıntı Sabrı, Afına epıgrafııalyq mýzeıi dırektorynyń orynbasary Ioanna Venıerı qatysty.

V. Faızıeva «osyndaı kórme jobalary árdaıym tek ǵylymı jáne shyǵarmashylyq zııaly qaýym ókilderiniń ǵana emes, sonymen qatar, mýzeıge kelýshilerdiń basqa sanatynyń, ásirese óner qaıratkerleri arasynda úlken qyzyǵýshylyq týdyratynyn atap ótti. «Kórmeni Tashkent qalasynyń turǵyndary men qonaqtary úlken qyzyǵýshylyqpen qabyldady. О́zbekstannyń Memlekettik óner mýzeıindegi kórmege 10 myńnan astam adam keldi», dedi ol.

Farızavatı bıntı Sabrı 2019 jylǵy 1-31 qazan aralyǵynda Kýala-Lýmpýrdegi kórmege 21104 adam barǵanyn atap ótti. «Atalǵan kórme sátti ótti jáne balabaqsha jasyndaǵy baladan bastap, joǵary oqý oryndarynda oqıtyndarǵa deıin, túrli jastaǵy ártúrli toptaǵy adamdardyń basyn qosty».

Goran Sanev bizdiń halyqtarymyzdyń rýhanı murasymen tanystyratyn osyndaı kórmeler aldaǵy ýaqytta da jalǵasyn tabady degen senimin bildirdi, óıtkeni «Uly Dala: tarıh jáne mádenıet» kórmesi bizdiń halyqtarymyzdyń arasynda kóp ortaq nárse bar ekenin kórsetti.

Sondaı-aq Mýrat Iyldyrym túrki halyqtaryn odan ári jaqyndastyrýǵa, bizdiń halyqtarymyzdyń tarıhy týraly bilimdi tereńdetýge jáne jańasha ashýǵa yqpal etetin jobanyń mańyzdylyǵyn atap ótti.

«Uly Dala: tarıh jáne mádenıet» kórmesin ótkizý úshin óz alańdaryn usynǵan sheteldik mýzeılerdiń barlyq ókilderiniń ortaq pikiri boıynsha, mundaı kórmeler tek rýhanı ózara baıytýǵa jáne qazaq halqynyń tarıhy men mádenıetin bilýge yqpal etip qana qoımaıdy, sonymen qatar, elderimiz arasyndaǵy yntymaqtastyqtyń damýyna, mádenı baılanystardyń ornap, tájirıbe almasýdyń qalyptasýyna jol ashady.

Buǵan I. Nızamıevtiń 2020 jyly olardyń mýzeıi Qazaqstan Respýblıkasynyń Ulttyq mýzeıinde ıslam mádenıeti men musylman óneri týyndylarynyń toptamasynyń kórmesin ótkizýdi josparlap otyr dep aıtqan sózderi kýá.

Sheteldik qonaqtar Qazaqstan Respýblıkasynyń Ulttyq mýzeıine Uly kóshpendiler órkenıetiniń tarıhymen tanysý múmkindigi úshin, sondaı-aq, kórmelerdi joǵary deńgeıde uıymdastyrǵany úshin alǵys bildirdi. Zergerlik óner jaýharlary ár eldiń kórmelerdi tamashalaýǵa kelgen azamattarynyń rýhanı qabyldaýynda óshpes iz qaldyrǵany sózsiz.

Qorytyndy baspasóz konferensııasy aıasynda ataqty qazaqstandyq ǵalym-arheolog, Qazaqstan ulttyq arheologııa mektebiniń negizin salýshylardyń biri Kemel Aqyshevtyń týǵanyna 95 jyl tolýyna arnalǵan derekti fılm kórsetildi.

Buǵan qosa, is-shara barysynda mýzeı qyzmetkerleriniń sheteldik áriptesterimen mýzeı isi salasyndaǵy tájirıbe almasýy boıynsha kezdesýi ótti.

Baspasóz konferensııasy aıasynda elorda qonaqtary men turǵyndary úshin Shyǵys Qazaqstan oblystyq tarıhı-ólketaný mýzeıiniń qorynan «Qazaq Altaıynyń qazynalary» kórmesi ashyldy. Kórmede 2018-2019 jyldary Shyǵys Qazaqstan oblysynyń Tarbaǵataı aýdanynan qazaqstandyq ǵalym-arheolog Z. Samashev basqarǵan arheologııalyq ekspedısııa tapqan «Eleke Sazy» qorǵandarynan tabyǵlǵan ejelgi saq mádenıetiniń altyn buıymdary usynyldy. Arheologııalyq oljalar b.e.d. 8-7 ǵasyrlarǵa jatady. Kórmede alǵash ret t. ǵ. d., professor Z.Samashev oryndaǵan «Eleke Sazy» qorǵanyndaǵy jetinshi «Altyn adamnyń» ǵylymı rekonstrýksııasy usynyldy.

Baspasóz konferensııasy barysynda «Altyn adamnyń álem mýzeılerine sherýi» halyqaralyq kórme jobasyn júzege asyrý qorytyndysy boıynsha fotokórme ashyldy.

Sońǵy jańalyqtar

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Qyzylordada eki kúnde 36 adam ustaldy

Aımaqtar • 07 Tamyz, 2020

Uqsas jańalyqtar