Aımaqtar • 19 Jeltoqsan, 2019

B.Saparbaev Mańǵystaý oblysyna is-saparmen keldi

81 retkórsetildi

Qazaqstan Respýblıkasynyń Premer-mınıstriniń orynbasary Berdibek Saparbaev bastaǵan jumys toby keshe Mańǵystaý oblysyna jumys saparmen keldi. Vıse-premer aldymen Jańaózen qalasyndaǵy birqatar áleýmettik mańyzy bar nysandardy aralady.

Aldymen, qaladaǵy óndiristik alańnyń jumysymen tanysty. 30 gektar aýmaqty alatyn tehnoparktiń negizgi mindeti ónim óndirý salasyndaǵy jumys jasaıtyn kásipkerlerdi bir jerge ornalastyrý. Osy ýaqytqa deıin alańǵa ishki jáne syrtqy ınjenerlik jeliler tartylyp, ákimshilik ǵımaraty men angar salynyp, bólingen qarajat tolyǵymen ıgerilgen. Qazirgi tańda, Jańaózen qalasy ákimdigi jáne «Atameken kásipkerler palatasy» arasynda jumys toby qurylyp, «Bıznestiń jol kartasy – 2020» bıznesti qoldaý jáne damytýdyń biryńǵaı baǵdarlamasy aıasynda óndiristik alańnan kásipkerlerge jer ýchaskelerin О́ńirlik úılestirý komıssııasy arqyly bólý jumystary talqylanýda. Búgingi kúnge deıin óndiristik alańǵa ornalasý boıynsha 37 kásipkerden usynys túsken.​

B.Saparbaev bastaǵan úkimetti ktop kásipkerlerge qyzmet kórsetý ortalyǵyna  bardy. Onda «Atameken» Ulttyq kásipkerler palatasynyń Jańaózen qalasyndaǵy fılıalynyń, ondaǵy ózine-ózi qyzmet kórsetý aımaǵynyń, qyzmetkerleriniń jumys barysymen tanysty. Osyǵan deıin Jańaózen qalasyna «Atameken» Ulttyq kásipkerler palatasynyń Basqarma Tóraǵasy A.Myrzahmetovpen birge jumys toby kelgen bolatyn. Jumys toby 2 apta boıy Jańaózen qalasyndaǵy kásipker mamandarmen kezdesti. Arnaıy Nur-Sultan qalasynan kelgen mamandar jeke jáne zańdy tulǵalardy aqparattandyryp, qalalyq kásipkerlik jáne aýyl sharýashylyq bóliminiń mamandarymen birlese otyryp kásipkerlik salasyndaǵy máselelerdi, onyń sheshý joldaryn qarastyryp, kásipkerlerge qyzmet kórsetti.

Qazirgi tańda Jańaózen qalasynda 7 qazanda bastalǵan «Kásip túbi-násip» jobasy nátıjeli júzege asyrylýda. Búgingi kúnge deıin jobanyń jumys toby 500-ge jýyq adamǵa keńes berdi. Onyń 15% qarjy qyzmetteri boıynsha, 10%- marketıngtik, 10% quqyqtyq keńes berý t.b. quraıdy.

Sapar aıasynda Vıse-premer Berdibek Saparbaev Jańaózen qalasynyń turǵyndarymen kezdesti.

92

Kezdesýge Premer-mınıstrdiń orynbasary Berdibek Saparbaev birge Mańǵystaý oblysynyń ákimi Serikbaı Trumov, Eńbek jáne áleýmettik qorǵaý mınıstri Birjan Nurymbetov, Bilim jáne ǵylym vıse-mınıstri Sholpan Karınova, Densaýlyq saqtaý mınıstriniń orynbasary Lázzat Aqtaeva, Mádenıet jáne sport vıse-mınıstri Eldos Ramazanov, Aqparat jáne qoǵamdyq damý mınıstriniń orynbasary Danııar Esın jáne Kásipodaqtar federasııasnyń tóraǵasy Eraly Toǵjanov qatysty. Jıynda sóz alǵan vıse-premer azamattardyń ál-aýqatyn arttyrý, bilim berý, densaýlyq saqtaý jáne áleýmettik qorǵaý baǵyttary boıynsha Memleket basshysy tapsyrmalarynyń júzege asyrylýy jóninde aqparat berdi. Sondaı-aq ol jańaózendikterdi memlekettik qoldaý baǵdarlamalaryn barynsha paıdalanýǵa, sonyń ishinde «Eńbek» baǵdarlamasyna basa mán berýge shaqyrdy.

Is-sapar búgin Aqtaý qalasynda jalǵasýda.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar