Aımaqtar • 19 Jeltoqsan, 2019

Pırotehnıkalyq ónimder satatyn oryndar tekserilýde

23 ret kórsetildi

Jańa jyldyń qarsańynda polısııaǵa qosymsha problema júkteıtin nárse – pırotehnıkalar. Ony orynsyz qoldanýdyń kesirinen talaı bala  jaralanyp jatady. Sondyqtan SQO polıseıleri respýblıkalyq «Pırotehnıka» jedel-profılaktıkalyq is-sharasyna belsene qatysyp, saýda oryndaryn tekserýdi qolǵa aldy. Onyń maqsaty – adamdardy sapasyz ot shashýlar men petardalardy paıdalanýdan bolatyn qaýipterden saqtaý. 

«Lısenzııalanǵan pırotehnıka ónimderdiń syrtynda mindetti túrde qazaq jáne orys tilderinde jazylǵan nusqaýlyq bolýy jáne ol qatań saqtalýy qajet, deıdi SQO PD Ákimshilik polısııa basqarmasynyń bastyǵy polısııa podpolkovnıgi Jasulan Hamıtov.

«Balalardyń pırotehnıkany paıdalanýyna tyıym salynady. Lısenzııalanbaǵan ot shashýlar eki ese qaýipti ekenin este saqtaǵan jón. Sapa kepildigi bolmasa, ónimniń ýaqytynan buryn tutanyp, qolda jarylýy ábden múmkin.  Olar kóbine kútim normalaryn saqtamaıtyn oryndarda saýdalanady. О́nimde óndiristik aqaý bolmasa da, kún sáýlesiniń, jaýyn-shashynnyń áserinen adam ómirine jáne densaýlyǵyna qaýip tóndiredi», deıdi ol.

Sonymen qatar polıseıler Ákimshilik quqyq buzýshylyq týraly kodekstiń 436-babyna sáıkes «Eldi mekenderde atys qarýynan, gazdy, pnevmatıkalyq, laqtyrylatyn jáne elektrli qarýdan oq atý, pırotehnıkalyq buıymdardy qoldaný» boıynsha balalaryna pırotehnıkamen oınaýǵa ruqsat bergen ata-analarǵa 20  AEK (aılyq eseptik kórsetkish) kóleminde aıyppul salynatynyn eskertýde.

Pırotehnıkany tıisti qujatsyz satatyn saýdagerler de osy kodekstiń 196-baby - «Taýarlarmen nemese ózge de zattarmen zańsyz saýda jasaý» boıynsha jaýapqa tartylyp, 25 AEK kóleminde aıyppul tartýy kózdelgen. Al pırotehnıkalyq zattardy lısenzııa boıynsha satatyndarǵa saqtaý, esepke alý, paıdalaný, tasymaldaý jáne t.b. tártibin buzsa, 5-ten 45-ke deıingi AEK kóleminde aıyppul salý qarastyrylǵan.

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar