Aımaqtar • 19 Jeltoqsan, 2019

Soltústik Qazaqstanda bıyl úsh zamanaýı sút fermasy iske qosyldy

27 retkórsetildi

Esil aýdanynyń Zagradovka eldi mekeninde ozyq qural-jabdyqtar ornatylǵan sút fermasy qoldanysqa berildi. Bul – sońǵy eki jylda ashylǵan  jetinshi ferma.

Jańa nysannyń  jumysymen tanysqan aımaq basshysy Qumar Aqsaqalov kelesi jyly  osyndaı úlgidegi 10  sút fermasynyń qurylysy júrgiziletinin jetkizdi.

«Kásiporynnyń iske qosylýy nátıjesinde aýyl turǵyndary turaqty jumysqa ornalasty. Kózin tapqanǵa mal sharýashylyǵy –tabysty sala, onyń ishinde sút óndirisinen paıda mol. Qyzyljar– ózin-ózi  sútpen tolyq qamtamasyz etip otyrǵan óńir. Artylǵanyn kórshi Reseıdiń qalalaryna jóneltedi. Eshqandaı qospasy joq tabıǵı ónimge suranys joǵary», dedi ujymmen kezdesýde Qumar Irgebaıuly.

Jyl ótken saıyn oblysta osyndaı fermalalar  sany kóbeıip keledi. Agroqurylym jetekshileri memleketten jan-jaqty qoldaýdy sezingennen keıin  bul salaǵa bet bura bastaǵany qýantady. Bıyl oblysta 3 zamanaýı sút kesheniniń iske qosylýy–sonyń bir aıǵaǵy. Sońǵy 2 jylda 7  ferma boı kóterse, 2020 jyly taǵy 10 keshenniń qurylysy bastalmaq.

Zagradovka eldi mekeninde sonymen qatar dámhana, meımanhana, shashtaraz, balalarǵa arnalǵan oıyn alańy bar keshen ashyldy. Shırek ǵasyrǵa jýyq qańyrap bos turǵan mádenıet úıin jergilikti kásipkerler kúrdeli jóndeýden ótkizip, aýyl turǵyndaryna syıǵa tartty.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar