Medısına • 19 Jeltoqsan, 2019

Qazaqstannyń jetekshi onkologtary Tájikstanda tájirıbe bólisti

49 retkórsetildi

Búgin Dýshanbede Qazaqstan medısınasynyń kúnderi bastaldy. Eki kúndik sharaǵa «Qazaq onkologııa jáne radıologııa ǵylymı-zertteý ınstıtýty» AQ basqarma tóraıymy, Qazaqstan Respýblıkasynyń UǴA akademıgi Dılıara Qaıdarova, sút bezi isikteri ortalyǵynyń jetekshisi Álııa Abdrahmanova, bas jáne moıyn isikteri ortalyǵynyń jetekshisi Murat Qaıbarov qatysyp otyr.

QazOjRǴZI basshysy Dılıara Qaıdarova Tájikstannyń onkolog-dárigerlerine Qazaqstanda onkologııalyq kómek kórsetý jáne onkologııada derbestendirilgen dıagnostıka jóninde dáris ótkizdi. Aıta ketý kerek, onkologııalyq kómek kórsetýdiń qazaqstandyq úlgisi Ortalyq Azııa elderiniń kórsetkishi bolyp tabylady.

Al 2018 jyly Qazaqstanda onkologııalyq aýrýlarǵa qarsy kúres boıynsha Keshendi jospar qabyldandy, ol bilikti mamandardy daıyndaýdy, jańa tehnologııalardy engizýdi jáne óńirlik onkologııalyq mekemelerde jabdyqtar parkin jańartýdy kózdeıdi. Jospar 2022 jylǵa deıin mejelengen. Qazaqstanda onkologııalyq naýqastardy skrınıngten ótkizý, emdeý jáne dári-dármekpen qamtamasyz etý memlekettik bıýdjet qarajatynan tolyǵymen qarjylandyrylady.

Sonymen qatar is-shara aıasynda jetekshi qazaqstandyq onkologtar Tájikstannyń Respýblıkalyq onkologııalyq ǵylymı ortalyǵy bazasynda dóńgelek ústelder, dárister men oqytý master-klastaryn ótkizip jatyr. Sondaı-aq Dýshanbe onkologııalyq ortalyǵynda onkologııalyq naýqastarǵa keńes beredi.

Sút bezi isikteri ortalyǵynyń jetekshisi Álııa Abdrahmanova «Sút bezderiniń aýrýlaryn dıagnostıkalaýdyń zamanaýı tásilderi» taqyrybynda óz tájirıbesimen bólisti. Bas jáne moıyn isikteri ortalyǵynyń basshysy Murat Qaıbarov qalqansha bezi isikteri men jaq asty silekeı beziniń isikteri boıynsha kórsetkish ota jasady.

Tájikstannyń dáriger-onkologtary qazaqstandyq áriptesterine paıdaly jáne qajetti birlesken tájirıbesi úshin alǵystaryn bildirdi.

Osy issapar barysynda Qazaqstan men Tájikstannyń medısınalyq uıymdary arasynda yntymaqtastyq týraly Memorandýmǵa qol qoıyldy.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar