Úkimet • 19 Jeltoqsan, 2019

2020 jyly qazaqstandyqtar úshin zeınetaqy men járdemaqy qandaı bolady

1420 retkórsetildi

«2020 – 2022 jyldarǵa arnalǵan respýblıkalyq bıýdjet týraly» Zańǵa sáıkes Qazaqstanda 2020 jylǵy 1 qańtardan bastap zeınetaqy, áleýmettik tólemder jáne járdemaqylar arttyrylatyn bolady. Bul týraly Eńbek jáne áleýmettik qorǵaý mınıstrliginiń baspasóz qyzmeti habarlady.

Eń tómengi jalaqy mólsheri burynǵy deńgeıde qalady jáne 42 500 teńgeni quraıdy.

Eń tómengi kúnkóris deńgeıi 1500 teńgege artyp, 31 183 teńgeni quraıdy.

2020 jylǵy 1 qańtardan bastap yntymaqty zeınetaqy 7% - ǵa arttyrylady, bul rette onyń eń tómengi mólsheri 38 636 teńgeni quraıdy. Memlekettik bazalyq zeınetaqy tólemi 5 %- ǵa ulǵaıady, onyń eń tómengi mólsheri 16 839 teńgeni quraıdy.

Múgedektik boıynsha memlekettik áleýmettik járdemaqylardyń mólsheri kúnkóris deńgeıiniń mólsherine, múgedektiktiń toby men sebebine, asyraýshysynan aıyrylǵan jaǵdaıda - asyraýyndaǵy adamdar sanyna jáne tıisti qarjy jylyna arnalǵan respýblıkalyq bıýdjet týraly zańda belgilengen eń tómengi kúnkóris deńgeıiniń mólsherine baılanysty bolady.

Máselen, 2020 jylǵy 1 qańtardan bastap múgedektigi boıynsha, asyraýshysynan aıyrylý jaǵdaıy boıynsha Memlekettik áleýmettik járdemaqylardyń mólsheri eń tómengi kúnkóris deńgeıiniń ózgerýine baılanysty 5% - ǵa arttyrylatyn bolady.

Mysalǵa, kelesi jyldan bastap jalpy aýrýdan múgedektikke beriletin memlekettik áleýmettik járdemaqy mólsheri múgedektik tobyna baılanysty 32 431 teńgeden 59 872 teńgege deıin bolady.

Asyraýshysynan aırylǵandarǵa beriletin járdemaqy asyraýyndaǵy adamdar sanyna baılanysty 26 818 teńgeden 65797 teńgege deıin bolady. Sonymen birge jetim balalarǵa árqaısysy úshin 36 796 teńgeden beriledi, biraq otbasynyń barlyq múgedek músheleri úshin 79 829 teńgeden aspaıdy.

Bala týýyna baılanysty birjolǵy járdemaqy kóbeıedi: birinshi, ekinshi jáne úshinshi balaǵa - 100 776 teńgege deıin (38 AEK), tórtinshisi úshin - 167 076 teńgege deıin (63 AEK). Jumys istemeıtin áıelder úshin bir jasqa deıingi balany kútýge aı saıynǵy jeńildikter: birinshi balaǵa - 15 276 teńge (5,76 AEK), ekinshi balaǵa - 18 061 teńge (6,81 AEK), úshinshi balaǵa - 20 819 teńge (7,85 AEK), tórtinshi jáne odan keıingi balalarǵa - 23 603 teńge (8,9 AEK).

«Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen nagradtalǵan kópbalaly analarǵa tólenetin aı saıynǵy memlekettik járdemaqy tabysyna qaramastan tólenedi, mólsheri 16 973 teńgeni quraıdy.

Múgedek balany kámelettik jasqa deıin tárbıelep otyrǵan anasyna nemese ákesine, asyrap alýshysyna, qamqorshysyna (qorǵanshysyna) taǵaıyndalǵan jáne tólenetin járdemaqy mólsheri 2020 jylǵy 1 qańtardan bastap 43 657 teńgeni quraıdy (1,4 ETKD). Osyndaı mólsherde bala kezinen birinshi toptaǵy múgedek balany kútý boıynsha járdemaqy tólenedi.

12 jeltoqsanda Senat «Mindetti áleýmettik saqtandyrý týraly» jáne «Qazaqstan Respýblıkasynyń keıbir zańnamalyq aktilerine densaýlyq saqtaý salasyndaǵy mindetti áleýmettik saqtandyrý, áleýmettik qamsyzdandyrý jáne memlekettik-jeke seriktestik máseleleri boıynsha ózgerister men tolyqtyrýlar engizý týraly» zańdardy qabyldady.

Birinshi Zańda eńbek etý qabiletinen aıyrylý, asyraýshysynan aıyrylý jáne jumysynan aıyrylý boıynsha áleýmettik tólemderdi taǵaıyndaý kezinde paıdalanylatyn parametrlerdi ózgertý kózdelgen. Bul tólemdi ortasha eseppen 30% - ǵa arttyrýǵa múmkindik beredi.

Mysaly, buryn 100 myń teńge mólsherinde ortasha aılyq tabysy jáne áleýmettik saqtandyrý júıesine qatysý ótili 5 jyldan astam bolǵan jumysynan aıyrylǵan adam úshin tólem somasy 30 000 teńgeden 41 600 teńgege deıin ósedi.

Ekinshi Zań 4 jáne odan da kóp kámeletke tolmaǵan balalary bar nemese 23 jasqa deıingi kúndizgi oqý bóliminde oqıtyn stýdentteri bar otbasylarǵa jańa memlekettik járdemaqy engizýdi kózdeıdi. Bul járdemaqy otbasynyń tabysyna qaramastan saralanǵan mólsherde taǵaıyndalady: 4 balaǵa - 42 496 teńge; 5 balaǵa – 53 127 teńge; 6 balaǵa - 63 757 teńge; 7 jáne odan da kóp balaǵa – 74 388 teńge.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar