Qazaqstan Respýblıkasynyń bilim berýdi jáne ǵylymdy damytýdyń 2020-2025 jyldarǵa arnalǵan jańa memlekettik baǵdarlamasyn iske asyrý aıasynda kásiptik standarttar negizinde bilim berý baǵdarlamalaryn 100% jańartý mindeti tur.
«Bizge kolledjder men JOO-lardaǵy bilim berý baǵdarlamalaryn jańartý qajet. Bul óte mańyzdy. Bilim sapasy degenimiz – ónimniń qandaı da bir standartqa saı bolýy. Bul jaǵdaıda bilim berý baǵdarlamalaryna jumys berýshiler qalyptastyratyn kásibı standarttar qajet», dedi Bilim jáne ǵylym mınıstri.
Sonymen qazirgi ýaqytta Úkimet kásibı standarttardy daıyndaý boıynsha aýqymdy jumystar júrgizýde.
«Bul jaǵdaıda jumys berýshilerdiń ózderi joǵary oqý oryndarynyń túlekterinen qandaı-da bir mamandyq boıynsha qandaı biliktilikterge ıe bolǵandaryn kútetinin aıtady jáne qalyptastyrady. Qazirgi ýaqytta kóptegen kásibı standarttar daıyndaldy, al bizdiń mindetimiz – olardy taldaý jáne bilim berý baǵdarlamalaryna kóshirý», dedi A. Aımaǵambetov.
Mınıstrdiń aıtýynsha, búginde 100 kásibı standart daıyn. Jyl sońyna deıin 400-ge jýyq kásibı standarttar daıyndalýy tıis. Endi kolledjder men JOO-lardyń barlyq baǵdarlamalary jumys berýshilerdiń talaptaryn qanaǵattandyrýy kerek.
«Máselen, eger jumys berýshi AT mamany úshin qazirgi tańda qandaı baǵdarlamalaý tilderi eń qajettisi dep aıtsa, onda biz osy baǵdarlamalaý tilderin bizdiń oqý oryndarymyzǵa engizýimiz kerek. Osy turǵydan bizdi kásibı standarttar qyzyqtyrady. Taıaý ýaqytta bul baǵdarlamalar jańartylady dep josparlap otyrmyz», dedi mınıstr.
Aıta ketý kerek, «Jas maman» jobasy aıasynda 180 kolledjdiń materıaldyq-tehnıkalyq bazasy jańartylady, oǵan bıýdjetten 58 mlrd teńge qarastyrylǵan. Tegin kásiptik-tehnıkalyq bilim berý baǵdarlamasy jyl saıyn 100 myń stýdentti qamtıdy. Al qosarly bilim berýmen qamtylǵan stýdentterdiń sany 35%-ǵa jetedi. Kolledj túlekteriniń jumyspen qamtylý deńgeıi 63%-dan 75%-ǵa deıin artady.
Sonymen qatar bilim jáne ǵylym mınıstri balalardy úıden oqytýdyń sharttary týraly aıtty.
«Áreket etip turǵan zańnama aıasynda bizde densaýlyǵy týraly tıisti kórsetkishteri bar balalarǵa úıde bilim berý múmkindigi qarastyrylǵan. Ol úshin jaǵdaılar jasalady: muǵalim keledi, jeke baǵdarlama jasalady. Jalpy, biz balalardyń mamandanǵanyn, qurdastarymen birge bilim alyp, qoǵamdaǵy ómirlik mańyzdy daǵdylarǵa ıe bolǵanyn qalaımyz, mektepte bilim alý óte qajet jáne ómirlik mańyzdy dep sanaımyz, sondyqtan balanyń mektepte baqytty bolýyna jaǵdaı jasaımyz», dedi vedomstvo basshysy.
Aıta ketý kerek, jańa memlekettik baǵdarlama aıasynda mektepterde balalardyń ata-analarymen jáne muǵalimderimen qarym-qatynasy máseleleri qamtylǵan bilim mádenıeti kúsheıtiledi.
Atap aıtqanda, mınıstr balanyń psıhıkalyq densaýlyǵyn saqtaý maqsatynda mektepterde ata-analar men balalardyń ózderin qatystyra otyryp, keshendi jumystar júrgiziletinin atap ótti. Ata-analar balanyń psıhologııalyq jaǵdaıynda jáne onyń qoǵamdy qabyldaýynda mańyzdy ról atqarady.
Bul jumysty kúsheıtý úshin qazaqstandyq bilim berý uıymdarynda mektep psıhologtaryna biliktilik joǵarylatylady, áleýmettik-psıhologııalyq qyzmet kúsheıtiledi.
