Úkimet • 19 Jeltoqsan, 2019

Teńiz kóligi salasyndaǵy memlekettik qyzmetter ońtaılandyrylady

15 ret kórsetildi

Indýstrııa jáne ınfraqurylymdyq damý mınıstrligi aǵymdaǵy jyly saýda maqsatynda teńizde júzý salasyndaǵy memlekettik qyzmetterdi ońtaılandyrý boıynsha birshama jumystar júrgizdi. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Atap aıtqanda, memlekettik keme jáne berboýt-charter tizilimderinde teńiz kemelerin memlekettik tirkeý endi «elektrondyq lısenzııalaý» portaly arqyly júzege asyrylady. Endigi kezekte bul qyzmetterdi kórsetý merzimin 5 esege, ıaǵnı 10 jumys kúninen 2 jumys kúnine deıin qysqartý josparlanyp otyr. Tirkeýge qajetti qujattar sany da eleýli túrde azaıady.

Teńiz kemeleri ıpotekasyn tirkeý boıynsha memlekettik qyzmet elektrondyq nysanǵa aýystyrý arqyly ońtaılandyryldy. «Elektrondyq úkimet» portalynda kórsetiletin qyzmetti alýshy málimetter nysanyn toltyrady, tólem shlıýzi arqyly memlekettik baj tóleıdi jáne kemeniń ıpotekasy týraly skanerlengen shartty tirkeıdi. Qazirgi ýaqytta bul qyzmet túri bir jumys kúni ishinde kórsetiledi. 

Teńiz kemelerin halyqaralyq keme tiziliminde jáne salynyp jatqan kemeler tiziliminde tirkeý boıynsha memlekettik qyzmetter de avtomattandyrylady. Nátıjesinde qyzmet kórsetý merzimi 10 jumys kúninen 2 jumys kúnine deıin azaıyp, qujattar sany orta eseppen 40 paıyzǵa qysqarady.

Sonymen qatar teńizde júzý kitapshasyn alýǵa ótinim berý sandyq formatqa aýystyrylyp, nátıjesi «Azamattarǵa arnalǵan úkimet» memlekettik korporasııasy arqyly berildi. Teńizde júzý kitapshasyn alý úshin endi portalda óziniń sandyq fotosýretin tirkep, atalǵan kitapty alýǵa bolatyn ózine yńǵaıly Halyqqa qyzmet kórsetý ortalyǵyn kórsetse jetkilikti.

Sonymen qatar «uıymdardy jáne synaq zerthanalaryn tehnıkalyq kýálandyrýdy júrgizý» memlekettik qyzmetin ońtaılandyrý boıynsha jumystar júrgizilip jatyr. Ony kórsetý prosesi qazirgi ýaqytta avtomattandyrylýda. Merzimi 30 kúntizbelik kúnnen 10 jumys kúnine deıin qysqarady jáne qyzmetti alý úshin belgilengen nysan boıynsha ótinim berý jetkilikti.

Sońǵy jańalyqtar

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Qyzylordada eki kúnde 36 adam ustaldy

Aımaqtar • 07 Tamyz, 2020

Uqsas jańalyqtar