Úkimet • 19 Jeltoqsan, 2019

A. Mamın Prezıdent janyndaǵy «jasyl ekonomıkaǵa» kóshý jónindegi keńestiń otyrysyn ótkizdi

103 retkórsetildi

Premer-Mınıstr Asqar Mamınniń tóraǵalyǵymen Qazaqstan Respýblıkasynyń Prezıdenti janyndaǵy «jasyl ekonomıkaǵa» kóshý jónindegi keńestiń otyrysy ótti.  Bul týraly Premer-Mınıstrdiń baspasóz qyzmeti habarlady.

Energetıka mınıstri N. Noǵaev Qazaqstan Respýblıkasynyń «jasyl ekonomıkaǵa» kóshýi jónindegi 2013-2020 jyldarǵa arnalǵan tujyrymdamanyń Is-sharalar josparyn iske asyrý barysy týraly, Nur-Sultan qalasynyń ákimi A. Kólginov pen Almaty qalasy ákiminiń orynbasary M. Ázirbaev óńirlerdegi ekologııalyq jaǵdaıdy jaqsartý jáne «jasyl ekonomıkany» damytý sharalary týraly baıandady. 

Otyrysqa qatysýshylar Tuńǵysh Prezıdent – Elbasy N. Nazarbaevtyń bes áleýmettik bastamalarynyń biri — elordany, respýblıkanyń soltústik jáne ortalyq óńirlerin gazben qamtamasyz etý úshin «Saryarqa» magıstraldy gaz qubyrynyń qurylysyn iske asyrý barysyn qarady.

Nur-Sultan qalasyna gaz qubyrynyń tartylýy aıaqtalý satysynda tur, ony paıdalanýǵa berý osy jyldyń 31 jeltoqsanyna josparlanǵan. Sonymen birge elordada, Qaraǵandy jáne Aqmola oblystarynda gaz taratý jelilerin salý boıynsha daıyndyq jumystary júrgizilip jatyr.

Jańartylatyn energııa kózderin damytý máseleleri talqylandy — elimizde belgilengen qýattylyǵy 938,8 MVt bolatyn 84 JEK nysany jumys isteıdi. Osy jyldyń 10 aıynda JEK elektr energııasyn óndirý kólemi 2018 jyldyń sáıkes kezeńimen salystyrǵanda 65%-ǵa artyp, 1,7 mlrd kVt/saǵ qurady.

Jyl basynan beri qýattylyǵy 407,17 MVt bolatyn 16 JEK nysany paıdalanýǵa berildi. Jyl sońyna deıin qýattylyǵy 102,8 MVt bolatyn 3 JEK nysany paıdalanýǵa beriledi, bul jańartylatyn energııa nysandarynyń jıyntyq qýattylyǵyn 1042 MVt deıin arttyrady. 2020 jyly JEK nysandarynyń sanyn 108 (1610 MVt), 2021 jyly – 119 (2096 MVt) nysanǵa deıin jetkizý josparlanǵan.

Ulttyq ekonomıka mınıstri R. Dálenov jáne «Jasyl akademııa» ǵylymı-bilim berý ortalyǵynyń dırektory B. Esekına Úkimet pen EYDU arasyndaǵy kelisim aıasynda Qazaqstandaǵy «jasyl ósim» jónindegi zertteý nátıjeleri týraly baıandama jasady.

Atap aıtqanda, «EYDU-nyń jasyl ósim kórsetkishteriniń negizindegi ulttyq esebinde» jasyl ekonomıkaǵa kóshýdiń zańnamalyq jáne ınstıtýsıonaldyq negizderin jetildirý, halyqaralyq standarttarǵa sáıkes jasyl ekonomıkaǵa kóshý barysyn baǵalaý ádistemesin jáne jańa jasyl ındıkatorlardy engizýmen statıstıkalyq eseptilikti jalǵastyrý usynylady.

Prezıdent janyndaǵy «jasyl ekonomıkaǵa» kóshý jónindegi keńes Prezıdent Jarlyǵymen 2014 jylǵy mamyrda quryldy. Keńes janynda sý resýrstaryn basqarý, aýyl sharýashylyǵyn damytý, energııa únemdeý jáne energııa tıimdiligin arttyrý, elektr energetıkasyn damytý, sonyń ishinde jańartylatyn energııa kózderi, qaldyqtardy basqarý, aýanyń lastanýyn azaıtý, ekojúıelerdi basqarý, turǵyndardyń ekologııalyq mádenıetin qalyptastyrý jáne aǵartý máseleleri boıynsha 8 jumys toby bar.

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar