100 • 20 Jeltoqsan, 2019

Eldiktiń bıik minberi – Egemen Qazaqstannyń» ǵasyrlyq toıyna oraı redaksııamyzǵa kóptegen quttyqtaý hat kelip tústi

64 retkórsetildi

El basyna kún týǵan, er taǵdyry synǵa túsken ýaqyttyń ózinde de ulttyń únin jetkizýge, jaqsylyqtyń jarshysy bolýǵa tyrysqan basylymdy memlekettik organdardyń basshylary men oblys ákimderi, shet memleketterdiń elshileri men aqparat quraldary, ulttyq kompanııalar men seriktes kásiporyndar quttyqtady.

Ulttyq ekonomıka mınıstri Rýslan Dálenov «Ǵasyrlyq tarıhynda halqynyń kókeıindegisin kózdegen beldi basylym qalyń oqyrmanyna qýatty únin arnaı beretinine senimdimin. «Egemen Qazaqstan» qashanda eldiktiń týyn kóterip, táýelsizdiktiń tuǵyryn berik ete bersin», dep quttyqtaıdy.

Ishki ister mınıstri Erlan Tur­ǵymbaev el gazetiniń mereı­toıymen quttyqtap, polısııa ımıdjin kóterýge, tártip saq­shylarynyń eńbekteri men erlik­terin kórsetýge atsalysyp kele jatqan gazet basshylyǵy men til­shilerine alǵys aıtady.

Ekologııa, geologııa jáne tabıǵı resýrstar mınıstri Maǵ­zum Myrzaǵalıev «Osy gazet arqyly ulttyq jáne memlekettik mańyzdy máselelerdiń talaı she­shimin tapqanyna kýá bolyp júrmiz», dep lebizin joldaǵan.

Al Qorǵanys mınıstri Nur­lan Ermekbaev «Sizderge tól áskeri­mizdiń bedelin arttyrýǵa, halyq­tyń oń kózqarasyn qa­lyp­tastyrýǵa qosyp júrgen úles­terińiz úshin alǵysymdy bildi­remin» dep quttyqtaý hatyn jol­­­daǵan.

«Basylymnyń búgingi ujymy aldyńǵy tolqyn aǵa býynnyń ónegeli isin, shyǵarmashylyq jo­lyn laıyqty jalǵastyryp keledi», dep Joǵarǵy sot Tó­r­a­ǵa­sy Jaqyp Asanov bas basy­lym­nyń búgingi kelbetine rıza­shy­lyǵyn bildirgen.

Al Shyǵys Qazaqstan obly­synyń ákimi Danıal Ahmetov:

«Egemen Qazaqstan» shyraıly ólke Shyǵys Qazaqstan oblysynyń jaǵymdy jańalyq­tary men ózekti máselelerine árdaıym erekshe kóńil bóledi. Prezıdent Qasym-Jomart Ke­mel­­uly Toqaevtyń óńi­rimizdegi  gazet tilshisi Azamat Qasym kó­ter­­gen Kúr­shim­degi kópir máse­lesin nazaryna alyp, Úkimetke tapsyrma berýi de ba­sylymnyń qoǵamdaǵy bede­lin anyq ańǵartsa kerek», dep atap ótken D. Ahmetov óńir jurt­shylyǵynyń atynan qa­lam ustaǵan qaýymǵa el ıgiligi jo­lyndaǵy eseli eńbekte tolaǵaı ta­bys tileıdi.

Ǵasyr jasaǵan el gazetiniń ujy­myna qut­tyqtaý lebizin jol­daǵan Aqtóbe ob­­lysynyń ákimi Ońdasyn Orazalın basy­lymnyń ıisi qazaqtyń jappaı saýattanyp, mádenıeti men ádebıetiniń eńse tikteýi jolynda orasan zor eńbek etkenine toqtalǵan. «Zaman yńǵaıyna qa­raı birneshe ret ataýy ózgerse de, ne­gizgi baǵyt – elge qyzmet etýden aınymaǵan basylym Táýelsiz memleketimizdiń irgesi bekip, aıaqqa nyq turýy úshin de esepsiz qyz­met etti.

Qazaqstannyń bir ǵasyrlyq jylnamasyn hatqa túsirip, soń­ǵy otyz jyl­ǵa jýyq ýaqyt ishin­de Memleket bas­shysynyń, Úki­mettiń saıasatyn saýat­­­ty júr­gizip kele jatqan aǵa gazet aqtó­belik oqyrmandar arasynda da zor bedelge ıe» deı kele oblys ákimi «Ege­men Qazaqstannyń» toıy – kúlli oqyrmannyń, barsha qazaq­standyqtyń toıy ekendigin atap ótedi.

Jambyl oblysynyń ákimi Asqar Myrzahmetov quttyqtaý hatynda taǵ­ylymdy tarıhy­ «Ushqynnan» bastaý alǵan búgin­gi «Egemen Qazaqstan» gazeti Alash arys­­tary men ult zııaly­lary qazyǵyn qaq­qan ult bas­pasóziniń ustahanasy ekenin jaz­ǵan. «Egemennen» aqyldy oı, kelisti til, rýhanııatty, parasat­ty kóresiz. Basylymnan ba­ryń­dy kórip qýa­nasyń, el tabysyna shattanasyń, ult jetistigine marqaıasyń, órnektelgen ómir­diń rýhanı qazynasyna kenelesiń! О́ıtkeni dara joly bar «Ege­men Qazaq­stan» – ary men namy­syn, rýhy men qaı­ratyn, el­diń egemendigin eńseleýge, tá­ýelsiz­diktiń tuǵyrlana tú­sýi­­ne arnap keledi», deıdi Jam­byl oblysynyń ákimi A. Myrzah­metov.

«Qaı kezeń bolsa da, ýaqyt­tyń talabyna saı elimizdiń to­lymdy ózgeristerin jarııalap, mem­leke­timizdiń jylnamasyn jazý­ǵa súbeli úles qosyp keledi. Halyq­tyń kózaıymyna aınalǵan basy­lym­nyń jańa jobalarynyń qata­ry kó­beıe bersin» deıdi quttyqtaý hatynda Túrkistan oblysynyń ákimi О́mirzaq Shókeev.

Al oblys ákimi Qumar Aqsa­qalov eki ǵasyrdyń kýágeri «Ege­men Qazaqstan» – el sheji­resi ekenin aıtqan. «Ol talaı «tar jol, taıǵaq keshýlerden» ótip, ózi­niń búgingi mereıli belesine aby­­roımen kóterildi. Bul basy­lymda bizdiń jerlesterimiz Sma­ǵul Sádýaqasov, Ǵabıt Músirepov sııaqty qarymdy qa­lamgerlerdiń qoltańbasy jatyr. Bul – sol­tús­tikqazaqstandyqtar úshin úl­ken mártebe», dep jazǵan Q.Aq­saqalov.

Al Qaraǵandy oblysynyń ákimi quttyqtaý hatynda qaraǵan­dylyqtardyń gazette jazylatyn saraptama materıal­dardy muqııat oqıtynyn atap ótken. «Álemdik aqparat na­ry­ǵyndaǵy báse­keles ortada «Egemen Qazaqstan» óziniń la­ıyqty ornyn ala bildi. Gazet­tiń ár sanyn eleńdeı kútetin oı­ly oqyr­mandar qatarynda óndirisi órken­degen, ult rý­hanııatynyń uıasy, baıtaq elimizdiń bel omyrt­qasy sanalatyn Qaraǵandy ob­ly­synyń turǵyndary da bar. Endeshe, saraptamalyq sıpattaǵy mańyzdy ma­qa­lalarymen jurt júregin baýraǵan «Ege­menniń» erteńi jarqyn ekendigi anyq», deıdi Qaraǵandy oblysynyń ákimi Jeńis Qasym­bek.

Qostanaı oblysynyń ákimi Arhımed Muhambetov «Eldiń sózin sóılep, tilegin arqalaǵan, ulttyń mańdaıyna bitken qan­shama kesek tulǵalar osynaý qasterli uıada qalam ushtap, qa­nat­­taryn qomdady. Saıyp kelgende, munyń bári keleshek úshin qun jetpes úlgi-ónege. Qa­zaqtyń nómiri birinshi gazeti áli talaı urpaqtyń syrlasy bolaryna qylaýdaı kúmán keltirmeımin», dep basylymnyń ǵumyrly bo­lýyna, búgingi ujymnyń shyǵar­mashylyqtyń shyńyna shyrqaı berýine tilektestigin bildirgen.

El astanasy bolǵan jyldary «Eńbek­shi qazaq» ataýymen Qyzylordada jaryq kórgen basylym tórt jyl boıy Alash jurtyna Syr óńirinen tarap turdy. Osy derekke toqtalǵan Qyzylorda ob­ly­synyń ákimi Qýa­nyshbek Ysqaqov quttyqtaý hatynda bylaı deıdi: «Qazaqtyń qabyrǵaly qaıratkerleri qyz­met istegen basylymnyń «Alashtyń anasy» atanǵan Syr jurty úshin de orny erekshe. Táýelsizdikten keıin qaı­ta túlegen «Egemen Qazaqstannyń» taqyryp aýqymy keńı tústi».

«Oblys halqy, Jaıyq jurty siz­derdiń elimizde ultaralyq jarasym men dinaralyq tatýlyq-túsinikti nyǵaıtý, halqymyz ben el ekonomıkasynyń bá­se­kege qa­bilettiligin arttyrý jolyn­daǵy qajyrly eńbekterińizdiń ár kez ná­tıjeli, jemisti bolýyna ti­lektes», dep Batys Qazaqstan oblysynyń ákimi Ǵalı Esqalıev Jaıyq jurtynyń atynan ege­mendikterdi quttyqtaıdy.

«Búgingi tańda gazet betterinde ómi­rimizdiń barlyq qyrlary, qazirgi kúnniń ózekti mindetterin sheshý, syrtqy jáne ishki saıasatty júzege asyrý, demo­kratııa­lyq quqyqtyq memleket pen ashyq aza­mattyq qoǵam qurý boıynsha orasan zor jáne mańyzdy aq­parat kórinis tabady», dep Aq­mola oblysynyń ákimi Ermek Mar­jyqpaev quttyqtaý hatyn jol­daǵan.

Atyraý oblysynyń sol kezdegi ákimi Nurlan Noǵaev «Egemen Qazaqstan» – eldiktiń belgileriniń biri, ult­tyq rý­hanııattyń atrıbýt­tary qata­rynda qasterlenetin halyq­tyq qazynamyz», dep atap ót­ken. «Basylym betinde táýelsiz Qazaq­­stan­nyń ekonomıkalyq ór­kendeý, órleý je­tistigimen bir­ge, munaıly Atyraýdyń da tynys-tirshiligi udaıy kórinis taýyp keledi. Eldegi jasampaz is­ter men reformalar jemisi de «Egemen Qazaqstannyń» nazarynan túsken emes», dep gazettiń búgingi bolmysyna shy­naıy baǵasyn beredi.

«Búgingi tańda «Egemen Qazaq­stan» basylymy oqyrman jan dúnıesin, tol­ǵamdy oı tıegin aǵyt­qan sarabdal maqalalarmen, mir­diń oǵyndaı ótkir, synı dú­nıelermen baıytyp kele­di. Qo­ǵamdaǵy eń ózekti máselelerdi qoz­­ǵap, siresken seń kómbesin só­gýge sep­tesetin sarabdal gazet elimizdiń saıası-áleýmettik ómi­rinde asa mańyzdy ról­ge ıe», dep quttyqtaıdy Mańǵystaý obly­synyń ákimi Serikbaı Trumov.

Pavlodar oblysynyń áki­mi Bolat Baqaýov «Egemen Qazaqstan» gazeti – rýhanı jań­­ǵyrýǵa bet alǵan halqy­myz­dyń shamshyraǵy ispetti», deı kele, «Bir ǵasyr de­reginde el úshin asa qajet basylym ekenin dálel­degen gazettiń aıtar sózi salmaqty, oıy sarabdal keletini aqıqat» dep gazettiń búgingi bolmysyna joǵary baǵasyn beredi.

Nur-Sultan qalasynyń ákimi Altaı Kólginov «El ómirindegi mańyzdy jańa­lyqty jarııalap, astarly aqparat jazý­daǵy qa­lamdaryńyz qarymdy bolsyn», dep quttyqtaıdy.

«El-jurtymyzdyń birligin bekemdep, berekesin eseleýdi, yn­tymaǵyn ny­ǵaıtyp, yrysyn molaıtýdy maqsat tut­qan eń­bekterińiz árdaıym jemisti bol­­syn», dep Qazaqstannyń Tuń­ǵysh Pre­zıdenti – Elbasy kitaphanasynyń dırektory Ámir­han Rahymjanov quttyq­taıdy.

Quttyqtaýlar legin Sybaılas jem­qor­lyq­qa qarsy is-qımyl agenttigi (Sy­baılas jemqorlyqqa qarsy qyzmet) A. Shpekbaev pen Memlekettik qyzmet isteri agent­tiginiń Tóraǵasy Anar Ja­ıyl­ǵa­nova jalǵastyrǵan.

AQSh-tyń Qazaqstandaǵy Tó­tenshe jáne ókiletti elshisi Ýılıam Mozer bas basylymnyń qazirgideı ótpeli ári qıyn ke­zeńde jahandyq medıa na­ryq­qa beıimdelýdi jalǵastyryp, Qa­zaqstan halqynyń múddesi úshin ju­mys isteıtin sapaly jýr­nalıstıkaǵa jeteleıtinine senim bildirgen. «Júz jyl boıy gazet retinde ómir súrý – zor már­tebe, al qazirgideı smartfondar dáýirinde álemdik kóshke ilesý – shynaıy jetistik. Sizderdiń oqyrmandaryńyzǵa ár tarapty, shynaıy aqparat berýge tal­pynystaryńyzǵa, «Nıý-Iork Taıms» sekildi halyqaralyq medıa­men yntymaqtas­tyqta­ry­ńyzǵa sáttilik tileımin», dep quttyq­taıdy AQSh el­shisi.

Koreıa Respýblıkasynyń Qa­zaq­stan­daǵy Tótenshe jáne ókiletti elshisi Kım Desık «Men Qazaqstan halqynyń boıynan zamanaýı memlekettiń irge­tasyn qalaý barysynda qalyptasqan senim­dilikti baıqadym. Osy oraıda Prezıdent Qasym-Jomart Toqaev pen jańa Úkimet halyqtyń senimi men rý­hynan qýat alǵan jańa kózqaras pen saıa­sat arqyly ulttyq birlik pen da­mý­ǵa bastaıtynyna senimim mol» dep, bas basylymnyń mereı­toıy­men quttyq­taıdy.

Qazaqstan Respýblıkasynyń Reseı Federasııasyndaǵy Tó­ten­she jáne óki­letti elshisi bol­ǵan Imanǵalı Tasmaǵambetov «Asaýdaı týlaǵan zamana tol­­qyn­darynda ýaqyt qudi­reti­men «Ushqynnan» keıin «Eń­bek týy», «Eńbekshil qa­zaq», «Eń­bek­shi qazaq», keıinnen «Sosıal­dy Qazaq­stan», «Sosıa­lıstik Qazaqstan» bolyp ataýy ózgergenimen, res­pýblıkalyq basylymnyń bul negizgi altyn arqaýy ózgergen joq», dep elimizdiń tól basy­lymynyń ǵasyrlyq torqaly toıymen qut­tyqtap, tamyr tart­qan úrdistiń baıan­dy bolýyna tilektestigin bildirgen.

«QazMunaıGaz» ulttyq kom­panııasynyń basqarma tóraǵasy Alık Aıdarbaev gazet ujymyn arnaıy quttyqtady. «Gazet – qoǵamnyń aınasy! «Egemen Qazaqstan» gazeti osy mańyzdy mıs­sııasyn abyroıly atqaryp keledi. Qazaqstannyń aqparat aı­dynynda ózindik orny, qol­tańbasy bar  «Egemen Qazaqstan» gazetiniń tilshileri qoǵamdaǵy bar­lyq qubylystar men oqıǵa­larǵa ózindik baǵalaryn aıqyn pozı­sııasy arqyly bildirip ke­ledi. Munaı-gaz sektory týraly da saraptamalyq tereń ma­terıaldardyń ár kez jaryqqa shyǵatyny bizdi qýantady, de­lingen quttyqtaý hatta.

Sondaı-aq Qyrǵyz Respýb­lıkasynyń «Erkın TOO» gazetiniń bas redaktory Dyıkan­bek Kerımbaev, «Kyrgyz Týýsý» bas­pa úıiniń dırektory Ernıs Balbakov, «Habar» agenttigi AQ basqarma tóraǵasy Erlan Bekhojın, BǴM ǴK Fılosofııa, saıasattaný jáne dintaný ınstı­týtynyń dırektory Aqan Bı­janov, QazUAÝ rektory, UǴA vıse-prezıdenti Tilektes Es­polov, «Almaty aqshamy» gaze­tiniń jáne «Dom pechatı» JShS-niń ujymy quttyqtaıdy.

 

 

Sońǵy jańalyqtar

Qansonarda búrkitshi shyǵady ańǵa...

Aımaqtar • Búgin, 12:38

Negizgi uǵymdar júıelenedi

Saıasat • Búgin, 08:43

Tıimdi dıologqa jol ashady

Saıasat • Búgin, 08:37

Qoǵam múddesin oılaǵan qujat

Saıasat • Búgin, 08:33

Jarysty 8 júldemen aıaqtady

Sport • Búgin, 08:29

Aqpannyń borany ashýly

Aımaqtar • Búgin, 08:26

О́tken ǵasyr órnegi

Tanym • Búgin, 08:25

Úshinshi ret fınalda jeńildi

Tennıs • Búgin, 08:24

Jas ǵalymdardyń aımaqtyq semınary

Qoǵam • Búgin, 08:18

Sóz soıyl №89

Rýhanııat • Búgin, 08:02

Shahar shyraıyn shaǵyn bıznes ashady

Aımaqtar • Búgin, 08:01

10 jyl sýbsıdııalanǵan salanyń jyry

Ekonomıka • Búgin, 07:53

Jemisten chıps jasaıdy

Aımaqtar • Búgin, 07:52

Sózdiń quny men qudireti

Rýhanııat • Búgin, 07:46

Baǵany aýyzdyqtaýdyń amaly

Úkimet • Búgin, 07:44

Telearna jumysynyń esebi tyńdaldy

Qoǵam • Búgin, 07:36

Maqamy máshhúr Mańǵystaý

Aımaqtar • Búgin, 07:26

Saıat atynyń syny men baby

Qoǵam • Búgin, 07:23

Qalamy semser serke edi

Tanym • Búgin, 07:20

Reıtıngtegi ornyn saqtap qaldy

Fýtbol • Búgin, 07:17

О́zi de, sózi de sulý

Rýhanııat • Búgin, 07:15

О́ner aıdynynda sáýlelengen jumaq ólke

Rýhanııat • Búgin, 07:07

Uqsas jańalyqtar