Aımaqtar • 20 Jeltoqsan, 2019

Partııalyq baqylaý – tıimdilik kepili

16 retkórsetildi

Nur Otan partııasynyń oblystyq fılıalynda partııa­lyq aktıvtiń otyrysy ótti. Jıynda Elbasynyń óńirlik fılıaldar ókilderiniń qatysýymen ótken keńeste bergen tapsyrmalary túsindirildi. Partııanyń oblystyq fılıaly tóraǵasy, oblys ákimi Bolat Baqaýov nurotandyqtar aldynda turǵan mindetterge toqtaldy.

Fılıal tóraǵasynyń birinshi orynbasary Ilıa Terenchenkonyń aıtýynsha, bul kúnderi partııa jumysyn jandandyrýǵa baǵyttalǵan jumystar bastalyp ketipti. Oblys ortalyǵynda elimizde «Qanatty joba» aıasynda alǵash ret partııalyq kadrlyq rezervke irikteý ótkizilýde.

Bul kúnderi Nur Otan partı­ıasy­nyń oblystyq jáne aýmaqtyq fılıaldarynda 59060 múshesi bar. Bıyl partııa bedeline nuqsan keltirgen adamdardan «tazalaý» maqsatynda 11 múshesi jaýapkershilikke tartylypty.

Qazirgi kúnderi partııanyń bedeli men abyroıyna nuqsan keltiretin múshelerine shara qoldaný maqsatynda BAQ pen áleýmettik jelilerge monıtorıng júrgiziledi. Jáne «Taza sessııa» respýblıkalyq sharasy aıasynda joǵary oqý oryndarynda 13 senim jáshigi ornatyldy.

Sonymen qatar oblystyq fılıal­dyń baqylaý-tekserý komıssııasy Jelezın, Maı, Sharbaqty aýdandary men Ekibastuz qalasynda aýmaqtyq fılıaldardyń partııa jarǵysyn buz­ǵany anyqtaldy.

Al partııalyq baqylaýdyń qajet­tigi – tıimdi jumys kepili. Memleket qar­­­jysyn paıdalanýǵa partııalyq ba­qy­­laý ornatyp, ákimderdiń partııa al­dyn­­daǵy jaýapkershiligin arttyrý mindet.

Nur Otan oblystyq fılıalynyń basshysy Bolat Baqaýov máslıhat depýtattary, partııa músheleriniń belsen­dilikti arttyryp, qarapaıym halyq­pen birlese jumys isteýge shaqyrdy. Partııa músheleriniń sapalyq ta, sandyq ta jaǵynan kóbeıgeni bedelin arttyrary sózsiz.

Oblystyq fılıaldyń baqy­laý-tekserý komıssııasy júrgizgen tekseris barysynda partııa múshe­lerinen esep júrgizý jáne jarna jınaý kezinde olqylyqtarǵa jol bergen Ekibastuz qalalyq partııa fılıaly tóraǵasynyń birinshi orynbasary Nııaz Maqraevqa, Temirjol aýyldyq aýmaǵynyń ákimi Erlan Kisenalınge sógis jarııalandy. Keıbir aýdandyq máslıhattaǵy depýtattyq fraksııa jetekshileri aýystyrylǵany atap ótildi.

Al aýyl, aýdan, qala ákimderiniń tur­ǵyndarmen keri baılanysy joq­tyǵy baıqalýda, qoǵamdyq qabyl­daýlar da sırek ótkiziledi. Áleýmettik jelidegi jeke paraqshalary, aýdan ákimdikteriniń saıttary tıisti deń­geıde túsinikti júrgizilmeýde.

 Jalpy, Ilıa Terenchenkonyń aıtýynsha, bıyl partııanyń oblystyq jáne aýmaqtyq fılıaldarynyń qoǵam­dyq qabyldaý bólmelerine bar­lyǵy 3835 ótinish kelip túsken. Par­tııa­nyń óńirdegi barlyq qoǵamdyq qabyl­daý bólmelerinde jalpy sany 1390 qabyldaý ótip, 2268 adamnyń ótinish­teri qaraldy. Turǵyndardyń muń-muq­tajdary «Ardagerlerdi ardaqtaıyq», «Baqytty otbasy», «Halyqqa kómek», «Kedergisiz keleshek», «Qutty meken», «Jastar joly» sııaqty partııalyq áleýmettik jobalardy júzege asyrý barysynda nazarǵa alynýda.

Endi qala, aýdandyq deńgeıde partııa fılıaly tóraǵasynyń qyzmetin jer­­gi­likti ákimder emes, elge syıly, sózi ótimdi azamattar atqarady. Qa­zir bul jańashyldyq qanatqaqty túr­de Pav­­lodar aýdanynda júzege asyrylýda.

Jumysta belsendilik tanyt­paı­tyn, jarna tólemeıtin, quqyq buzý­shy­lyqqa jol bergen azamattar partııa músheliginen shyǵarylýy tıis.

Oblystyq fılıal tóraǵasy, oblys ákimi Bolat Baqaýovtyń partııa fılıalyndaǵy apta saıynǵy qabyl­daýlaryn turǵyndar qoldaýda.

– Qazirgi tańda partııalyqtar aldynda qoǵamdy biriktirip, ózekti máse­le­lerdi qoǵamdyq qabyldaýlar arqy­ly sheshý mindeti tur. Bıyl osyndaı jeke qabyldaýlardyń 18-i ótip, olarǵa 246 adam qatysty. Oblystaǵy barlyq aýmaq­tyq fılıaldar dál osyndaı jeke qabyldaýlar ótkizýde, – deıdi I.Terenchenko.

Jalpy, Nur Otan partııasy par­tııa­lyq kadrlyq rezervin qalyp­tastyrý elimizde 2016 jyly bas­tal­ǵany belgili. Sol jyldary par­tııa­nyń oblystyq fılıalynyń partııalyq kadrlyq rezervinde bolǵan 106 adam Elbasynyń «100 naqty qadam» Ult jos­­parynda aıtylǵan, memlekettik baǵ­­darlamalardy nasıhattaý, partııa­lyq jobalar aıasynda jumys atqarý sekildi mindetterdi oryndaı almaǵan.

– Sondyqtan qaıtadan qosymsha irikteý júrgizildi, – deıdi fılıal basshysynyń orynbasary Juldyz Táıkebaeva.

Bıyl qarasha aıynda Nur Otan par­tııasynyń kadrlyq rezervine úmit­kerler saılaýyna daýys berýge 18 myń partııa múshesi qatysty. Par­tııalyq irik­teý quramyna bir jyldan kóp ýa­qyt partııa múshesi bolǵan, joǵary bi­li­mi jáne eki jyl jumys ótili bolý degen talaptar boıynsha alynady.

Irikteýdi eń aldymen aýdandyq jáne qalalyq fılıaldar júrgizip, málimetterdi ortalyq apparatqa joldaıdy. Partııa fılıaldaryna maman kerek bolsa, iriktelgen tizim ishinen tańdalady.

Elim, jerim, Otanym degen jastar az emes. Tańdaý durys bolý kerek. Tań­daý durys bolmasa, patrıot jas­tar shette qala beredi. Sondyqtan qaı jumys bolmasyn kadrlyq saıasat – mańyzdy. El isine – otanshyl jastar kelgeni qajet-aq.

 

Pavlodar oblysy

 

Sońǵy jańalyqtar

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Ormandy saqtaýǵa baǵyttaldy

Ekologııa • Búgin, 07:36

Qoryqshylarǵa qos kater tartý etildi

Aımaqtar • Búgin, 07:35

Kıiktiń kıesi jibermeıdi

Qoǵam • Búgin, 07:30

Amal – aýyzbirshilik merekesi

Rýhanııat • Búgin, 07:26

Álem kýbogyndaǵy alǵashqy altyn

Sport • Búgin, 07:21

«Admıraldan» basym tústi

Hokkeı • Búgin, 07:20

Uqsas jańalyqtar