Rýhanııat • 20 Jeltoqsan, 2019

Bir mıllıon kórermen jınady

31 retkórsetildi

Nur-Sultanda Qazaqstan Respýblıkasy Ulttyq mýzeıi ashylýynyń 5 jyldyǵyna oraı «Qazaqstan mýzeıleri: jahandyq básekege qabilettilik» atty halyqaralyq forým ótti.

Eki kúndik forým jumysynda elimizdegi mýzeılerdiń qazirgi álemdegi ózgermeli jaǵdaılarǵa beıimdelýi men mýzeıler áleýe­tin­ tıimdi paıdalanýy tal­qy­lan­dy. «Alys jáne jaqyn shetel­derdiń mýzeı isin damy­tý­daǵy tájirıbeleri», «Qazaq­stan mýzeıleri: máseleler men sheshý joldary» taqyryp­ta­ryn­­da paneldik otyrystar uıym­dastyrylyp, otandyq mamandar men Túrkııa, Grekııa, Soltústik Makedonııa, Malaızııa, Tatarstan, О́zbek­stan elderinen kel­gen mýzeı basshylary men ma­man­­dary baıandamalar jasa­dy.

Forým jumysynyń aıasyn­da «Altyn adamnyń álem mýzeılerine sherýi» mýzeı jobasy qorytyndylanyp, sheteldik sarapshylardyń qatysýymen baspasóz máslıhaty ótti.

Ulttyq mýzeı dırektorynyń orynbasary Abaı Satybaldın «Altyn adamnyń» úsh jyldyń ishinde taıaý jáne alys sheteldiń 12 elinde kórmege qoıylǵanyn, ony 1 mıllıonnan astam shetel­dikterdiń tamashalaǵanyn baıan­dady. Onyń aıtýynsha, Ult­tyq mýzeı bul jobany 2017 jyly «Rýhanı jańǵyrý» baǵdarlamasy aıasynda júzege asyra bastaǵan.

Baspasóz máslıhatynda álem­­niń jetekshi mýzeıleriniń bas­­shylary sóz sóılep, joba týra­ly óz oılarymen bólisti. «Bul jádigerdiń tanystyryly­my О́zbekstanda úlken qyzyǵý­shy­lyq týǵyzdy. «Uly dala» ataýy­men ótken kórmege bir aıdyń ishinde 10 myńnan astam kórermen keldi», dedi О́zbek­stannyń Memlekettik óner mýzeıi­niń dırektory Vasıla Faızıeva. Al Qazan Kremli (Ta­tarstan Respýblıkasy) Islam mádenıeti mýzeıiniń meńgerýshisi Ilnýr Nızamıev «Altyn adam­nyń» tek qazaq halqynyń emes, búkil adamzattyń murasy eke­nine toqtalyp, odan ejelgi adamdardyń kóshpeli ómiriniń tolyq sıklyn kórýge bolatynyn atap ótti. I.Nızamıevtiń sózinshe, Tatarstandaǵy kór­mege 4 myń adam barǵan. Jıynda Malaızııa Mýzeıler departamentiniń kýratory Mastýra bıntı Mohd Sah, Afına Epıgrafııalyq mýzeıi dırektorynyń orynbasary Ionna Venıerı, Anadoly órkenıetteri mýzeıiniń dırektory Iýsýf Kırach sóz sóıledi. Sondaı-aq sharada Esik «Altyn adamyn» tapqan, ulttyq arheologtar mektebiniń negizin qalaýshylardyń biri Kemal Aqyshevtyń týǵanyna 95 jyl tolýyna oraı daıyndalǵan derekti fılm kórsetildi.

Ulttyq mýzeı ótkizgen úl­ken forým aıasynda Shyǵys Qazaqstan oblystyq tarıhı-ól­ketaný mýzeıi «Qazaq Al­taıy­­nyń qazynalary» atty kórmesin ashty. Kórmege Shyǵys Qazaqstan oblysy, Tarbaǵataı aýdanynda Zeınolla Samashev 2018-2019 jyl­dary basqarǵan arheo­logııalyq ekspedısııanyń tabysy – ejelgi saq mádenıetiniń altyn buıymdary qoıyldy. «Eleke sazy» qorǵandarynan tabylǵan arheologııalyq oljalar b.e.b VIII-VII ǵasyrlarǵa jatady. Kórmege tuńǵysh ret «Eleke sazy» qorǵanynan tabylǵan jetinshi Altyn adamnyń ǵylymı rekonstrýksııasy qoıyldy.

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar