Qoǵam • 20 Jeltoqsan, 2019

Hat qorjyn (20.12.19)

5112 retkórsetildi

...ún qosady

Meniń Týym, meniń Otanym

Nur Otan partııasy Memlekettik Týdy keńinen nasıhattaý jáne qazaqstandyq jastar arasynda patrıottyq sezimdi qalyptastyrý maqsatynda «Meniń Týym, meniń Otanym!» patrıottyq aksııasyn qolǵa alǵan bolatyn.

Partııanyń aýdandyq fılıaly men Mańǵystaý aýdandyq jas­tar resýrstyq ortalyǵy birlesip aýdan ortalyǵyndaǵy «Azamat» sport kesheninde, Shoqyr Bóltekuly atyndaǵy sport kesheninde, Mańǵystaý tehnıkalyq kolledjinde, Shebir aýylynda atalǵan aksııany ótkizdi. Munda sóz alǵan Nur Otan partııasy aýdandyq fılıaly tóraǵasynyń birinshi orynbasary Aıbarsha Asamadınqyzy «Mem­lekettik rámizder – memlekettiń qoǵamdyq sanasyn jáne oń ımıdjin qalyptastyrýǵa áser etetin negizgi ıdeologııa kózi» ekenine toqtaldy.

Aýdandaǵy turaqty ótkiziletin túrli sharalar men aksııalardyń, qoǵamdyq mańyzy bar sharalardyń uıymdastyrýshysy «Mańǵystaý aýdandyq jastar resýrstyq ortalyǵynyń» basshysy, aýdandyq Qoǵamdyq kelisim keńesiniń tóraǵasy Allabergen Qonarbaev úlken saıası mańyzǵa ıe bul shara – árbir qazaqstandyqty asqan patrıottyq sezimge bóleıtinin aıtty.

Sharaǵa qatysqan sambodan Álem chempıony Álibek Jeńisov sportshylar jeńisteriniń arqasynda Olımpııa oıyndary men álemdik dodalarda beıbit ólkeniń Kók baıraǵy kók aspanda jelbirep, keýdede maqtanysh sezimin uıalatatynyn atap ótti.

 

Eleonora BIGELDIQYZY,

aýdandyq «Eriktiler korpýsynyń» jetekshisi

 

Mańǵystaý oblysy,

Mańǵystaý aýdany

 

...jańalyǵyn jetkizedi

Jańa mektep paıdalanýǵa berildi

Túrkistan oblysynyń Kentaý qalasyna qarasty Aqyn-tuma eldi mekeninde jańa mektep paıdalanýǵa berildi. Shalǵaı aýyldyń oqýshylary ekinshi toqsandy jańa bilim uıasynda oqyp jatyr.

Osy ýaqytqa deıin atalǵan eldi mekende bir qabatty bastaýy­sh mektebi ǵana bolǵan. Al joǵary synyp oqýshylary aýyldyń or­talyǵyna qatynap bilim alyp kelgen. Endi mundaı qıyndyqtar artta qaldy. «О́ńirlerdi damytý» baǵdarlamasy aıasynda respýblıkalyq bıýdjetten qarjy bólinip, aýylda 300 oryndyq jańa mektep boı kóterdi. Aqyn-tuma atyndaǵy bilim oshaǵyn salý jumystary ótken jyly bastalyp, aǵymdaǵy jyldyń tamyz aıynda aıaqtaldy. Jalpy aýmaǵy 6949 sharshy metrdi quraıdy. Endi aýyl balalary zaman talabyna saı bilim alatyn boldy.

Aıta keteıik, zamanaýı úlgide salynǵan ǵımaratta kúndelikti sabaqtarǵa qajetti qural-jabdyqtarmen qatar, zerthanalyq, pán kabınetteri bar. Sport zal men ashanasy da qarastyrylǵan.

 

Aınur AQBAEVA

Túrkistan oblysy

 

...áserimen bólisedi

Biz – oqıtyn óńirdiń turǵyndarymyz

S.Jıenbaev atyndaǵy oblystyq jasóspirimder kitaphanasynda «Rýhanı jańǵyrý» baǵdarlamasy negizinde «Oqıtyn ólke» aksııasy aıasynda Sarysholaq Boranbaıulynyń «Tileýqabaq» ániniń shyǵý tarıhy jaıynda «Ánniń sózi – tarıhtyń ózi» atty ádebı-mýzykalyq kesh ótkizildi. Qazirgi kezde aqyn-jazýshylarymyzdy eske alyp, esimderin jańǵyrtyp júrmiz. «Oqıtyn ólke» aksııasy 2011 jyldan bastap Aqtóbe óńirinde jyl saıyn uıymdastyrylyp keledi. Aksııa aıasynda ótkizilgen sharanyń basty maqsaty – kópshilik kóp bile bermeıtin, HIH ǵasyrdyń II jartysy, HH ǵasyrdyń basynda Aqtóbe óńirinde ómir súrgen aqyndar ishindegi eń kórnektisi – Sarysholaq Boranbaıulynyń shyǵarmalaryn nasıhattaý, qalyń kópshilikke tanystyrý bolyp tabylady. Sarysholaq jas kezinen ónerge áýes bolǵan, ártúrli aspaptarda oınaýmen birge án de salǵan, arabsha oqyp hat tanyǵan. Aýyzsha derekterge qaraǵanda, jyrshy Sarysholaq – kedeı, tili ótkir, sózi mirdeı, aıtysqan adamyn jeńbeı tynbaıtyn adam bolǵan. Onyń jyr joldary men ótkir sózderi halyq arasynda keń tarap, eldi súısintken eken. Uıymdastyrylǵan keshte Sarysholaq Boranbaıulyn nasıhattaýshy, zertteýshi, fılologııa ǵylymdarynyń doktory, professor Jubanazar Asanov óz zertteý eńbekterine súıenip, kóptegen jańa málimetke qanyq qyldy. Sonymen qatar aqyndar Nurlybek Qalaýov pen Talǵat Tileýles jerles jyrshy, kompozıtor týraly kóptegen derekteme keltirip, áńgime órbitti. Aldaǵy ýaqytta «Oqıtyn ólke» aksııasy aıasynda is-sharalar jasalyp, jastarymyz kóptegen málimet alady degen oıdamyz.

 

Shyraılym QUDASOVA,

S.Jıenbaev atyndaǵy oblystyq jasóspirimder kitaphanasynyń qyzmetkeri

Aqtóbe

 

 ...saqtandyrady

Senimge selkeý túspese eken...

Ýnıversıtet qabyrǵasynda júrip tanysqan bir qurbym bar. Sońǵy kezderi tym jaqyn aralasa qoımasaq ta kóp qýanyshyn «ınstagramnan» baqylap, birge qyzyqtap otyramyn. Aqylyn kóp jaǵdaıda emosııa bılese de, ózi sondaı jaqsy qyz. Osydan bir-eki jyl buryn bir jigitpen uzaq kezdesti. «Instagramy» sonyń fotosyna toldy. Sodan kúnderdiń bir kúninde sol jigit beınelengen fotolardyń barlyǵy joq boldy. Aıtpasa da belgili jaǵdaıdyń oryn alǵany túsinikti. Biraq ádemi qyzdar uzaq jalǵyzsyramasa kerek. Kóp uzamaı qurbymnyń taǵy bir symbatty jigitpen túsken fotolary birtindep shyǵa bastady. Taǵy ýaqyt ótti. Ekinshi jigitti úshinshi jigit almastyrdy. Sóıtip qurbymnyń tirligi baıaǵyda estigen bir anekdotty esime túsirdi. «Bir kelinshek 10-shy ret kúıeýge shyqqaly turyp, qurbylaryna aıtady eken: «О́stip-óstip, buzylyp ketetin túrim bar», – dep. Biz, árıne, sheksiz súıemiz. Tipti sol adammen birge shańyraq kóterip, birge qartaıatynymyzǵa deıin senimdimiz. Biraq bizdegi senim jigittiń oıyndaǵy josparymen saı bolaryna kim kepil?! Jaqsy qyzdar júz jigitpen júrmeıdi. Túsingen adamǵa budan artyq aıtarym joq.

 

Klara ERMAǴAMBETOVA

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar