Aımaqtar • 20 Jeltoqsan, 2019

Oralda jańa sport mektebi ashyldy

19 retkórsetildi

Oral qalasyna qarasty Derkúl kentinde sport salasyndaǵy daryndy balalarǵa arnalǵan mektep-ınternattyń jańa ǵımaraty paıdalanýǵa berildi.

 

Sýretti túsirgen Meıirbek TÁJQURANOV

Jalpy aýmaǵy 9 myń sharshy metrge sozylyp jatqan jańa mektep 250 oqýshyǵa arnalǵan. Al onyń janyndaǵy ınternat 150 balany qabyldaı alady. Sport mektebinde boksshylarǵa arnalǵan qos rıng, palýandarǵa arnalǵan 4 kilem, aýyr atletıka buryshy, oıyn zaly, trenajerler bar. Ǵımarattyń barlyq kabınetinde zamanaýı jabdyqtar ornatylǵan.

Jańa sport mektebiniń esigine kerilgen dástúrli lentany qııý qurmeti óńir basshysy Ǵalı Esqalıevpen birge olımpıadanyń qola júldegeri Ekaterına Larıonova men sambodan álem chempıony Nurbol Serikovke buıyrdy.

Halyqtyń densaýlyǵy – kez kelgen memlekettiń eń basty baılyǵy sanalady. О́ıtkeni sportpen aınalysatyn, salaýatty urpaqtan el damýyna úles qosatyn azamattar kóp shyǵady. Sondyqtan da sportqa qabiletti balalardy erterek taýyp, onyń jan-jaqty damýyna jaǵdaı jasaýymyz kerek. Bolashaq chempıondar álemdik jarystarǵa qatysyp, Otanymyzdyń kók týyn bıik jelbiretedi. Bul mekteptiń janynda jaıly ınternaty bar. Endi bolashaqta el namysyn qorǵaıtyn daryndy balalardy taýyp, osy jerge tartý – bapkerlerdiń mindeti. Memleket basshysy Qasym-Jomart Toqaev ár aýdanda deneshynyqtyrý-saýyqtyrý keshenderin salý týraly tapsyrma bergen bolatyn. Bıyl Jánibek pen Jańaqala aýdandarynda sport keshenderiniń qurylysy bastaldy. Kelesi jyly taǵy alty aýdanda qolǵa alynbaq, - dedi óz sózinde Batys Qazaqstan oblysynyń ákimi Ǵalı Esqalıev.

1

Jańa mektep sportqa basymdyq bergenimen, bul jerde balalar tolyqqandy orta bilim alyp shyǵady. Munda shet tilderi kabıneti, eńbek sabaǵyna arnalǵan sheberhana, kitaphana qajetti qondyrǵylarmen tolyq jabdyqtalǵan. Sonyń arqasynda 7-11 synyp aralyǵyndaǵy oqýshylar jan-jaqty bilim alyp, ári sporttyń 13 túrimen alańsyz aınalysatyn bolady. Aıta keterligi, bolashaq sportshylar ınternatta tegin jatady, tamaǵy da, sporttyq kıimderi de memleket esebinen bolady.  

Sportqa daryndy balalarǵa arnalǵan mamandandyrylǵan oblystyq mektep-ınternatynyń dırektory Abaı Baqmanovtyń aıtýynsha, mektep-ınternattan sońǵy 15 jyl ishinde talaı-talaı halyqaralyq jáne respýblıkalyq sport jarystarynda top jarǵan jeńimpazdar shyqqan. Bolashaqta bul kórsetkish odan ári kóbeıetinine senim mol.

 

Batys Qazaqstan oblysy

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar