Aýdan ekonomıkasynyń taǵy bir arqa súıeri shaǵyn jáne orta kásipkerlik bolyp otyr. Bıyl onyń jergilikti bıýdjettegi úlesi 52,4 prosentke jetti. Al jergilikti 4 mlrd teńgeniń shamasynda quralady eken. Jospar boıynsha jyl aıaǵyna deıin barlyq bıýdjet kólemi byltyrǵymen salystyrǵanda 10 prosentke ósip, jalpy soma 6 mlrd 308 mln teńgege oryndalady.
- Aýdannyń ónerkásip salasyndaǵy on bir aılyq ósim 8 mlrd 613 mln teńgeniń ónimi óndirildi. Iаǵnı, zattaı kólem ındeksi 103,9 prosentti qurady. Buıyrsa, jyl aıaǵyna deıin óndiristiń tabysyn 10 mlrd 720 mln teńgege oryndap, zattaı kólem ındeksi 103,5 prosentke jetedi dep otyrmyz. Aýdan ekonomıkasyna negizgi túsim ákelip otyrǵan baǵyttarynyń biri týrızm salasy ekenin maqtanyshpen aıtamyz. Bul – bizdiń ǵana emes, elimizdiń jetistigi. Memleket týrızmdi damytýǵa erekshe kóńil bolip otyr. Biz úshin óńirdi damytý – álemdik básekege qabiletti keńistikke enýdiń joly. Al Alakól demalys aımaǵynda kúnine 23714 týrıstke qyzmet kórsetetin 244 demalys oryny jumys isteıdi, - deıdi Alakól aýdanynyń ákimi Álibek Jaqanbaev.
Almaty oblysy
