- Ekinshiden Ulttyq keńes músheleriniń usynystaryn iske asyrýdyń naqty mehanızmderi múddeli memlekettik organdarynyń birinshi basshylary deńgeıinde talqylandy. Atap aıtqanda Mádenıet jáne sport, Ishki ister jáne Qoǵamdyq damý, Aýyl sharýashylyǵy mınıstrlikteri jáne Bas prokýratýra. Úshinshiden Memleket basshysy Ulttyq qoǵamdyq keńes múshelerimen jeke kezdesýler ótkizdi. Búginge deıin osyndaı kezdesýlerdiń 16-sy ótti. Bul kezdesýler ary qaraı da josparlanǵan,- dedi Prezıdent keńesshisi Erlan Qarın.
Onyń aıtýynsha, Prezıdentpen kezdesý kezinde Ulttyq keńes músheleri tarapynan kóterilgen máseleler men usynystar atqarýshy organdar deńgeıinde qaralyp, olarmen keri baılanys qamtamasyz etilgen.
- Josparǵa kirgen ár tarmaq Prezıdent ákimshiligi men memlekettik organdardyń ókilderimen zańdyq ekonomıkalyq jáne halyqaralyq standarttarǵa sáıkestigi turǵysynan saraptalyp tıisti tujyrymdar daıyndaldy, - dedi E.Qarın.
