- Bıliktiń dıalog ornatýǵa jáne reforma jasaýǵa múddeli ekenine eshkimniń kúmáni joq. Sizderdiń kópshiligińizben jeke-dara kezdestim. Usynystaryńyzdy, bastamalaryńyzdy muqııat qarastyryp, birqatar másele jóninde pikir almasqan edik. Ulttyq keńes músheleri jumys barysynda qyzý pikir-talasqa túsip, mańyzdy jaǵdaılardy talqylady. Sonyń barysynda birqatar túıtkildi másele boıynsha ortaq ustanymǵa keldik. Bul demokratııany nyǵaıtýǵa jáne qoǵamnyń bılikke degen senimin arttyrýǵa úlken serpin beretin jumys dep sanaımyn. Bizdiń tájirıbemiz halyqaralyq uıymdar tarapynan joǵary baǵalanyp otyr. Kópshilik ony jaýapty ári syndarly dıalog úlgisi retinde qabyldady. Eń bastysy Ulttyq keńes qoǵamnyń senimin aqtaı alatynyn dáleldedi, - dedi Prezıdent Qasym-Jomart Toqaev.
