Aımaqtar • 20 Jeltoqsan, 2019

Qaraǵandy oblysynda 30 otbasy baspanaly boldy

35 ret kórsetildi

Qaraǵandy oblysyndaǵy Shahtınsk qalasynda jetim balalar, bıýdjettik uıymdardyń qyzmetkerleri jáne áleýmettik jaǵdaıy osal otbasylar baspanaǵa ıe boldy. Bul týraly oblys ákiminiń baspasóz qyzmeti habarlady. 

Shahtınsk qalasynyń ákimi Serjan Aımaqov atap ótkendeı, bul turǵyn úıge muqtaj otbasylar úshin aıtarlyqtaı kómek.

– Meniń oıymsha, bizdiń óńirdegi abattandyrý men qurylys qarqyny jyl saıyn artyp keledi. Bul jumystyń negizgi ustanymynyń biri – barlyq azamattar úshin turǵyn úıdiń qoljetimdiligin arttyrý, – dedi qala basshysy.

Jańadan berilgen páterler qalpyna keltirilgen úıde ornalasqan. Qazirgi tańda munda dárigerler turyp jatyr. Al halyqtyń áleýmettik osal toptarynyń ókilderi úshin atalǵan turǵyn úıden páterler jalǵa beriledi.

Oblys basshysy Jeńis Qasymbektiń tapsyrmasy boıynsha 2020 jyly óńirdegi qurylys kólemi 1,5 esege ulǵaımaqshy. Munyń ózi kezekti qysqartýǵa jáne jaqyn aradaǵy birneshe jylda halyqtyń áleýmettik osal toptarynyń barlyq ókilderin baspanamen qamtamasyz etýge múmkindik beredi.

 

 

Qaraǵandy oblysy

 

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar