«Qazirgi kezde saıası partııany tirkeý úshin onyń kem degende 40 myń múshesi bolýy qajet. Bul norma uzaq ýaqyttan beri saqtalyp keledi. Endi jańa saıası jaǵdaıda, bir jaǵynan azamattardyń talap-tilekterine, ekinshi jaǵynan yqtımal táýekelderge laıyqty ún qatýymyz kerek. Bizdiń qoǵam partııa qurylysynyń jańa sapalyq kezeńine ótetindeı dárejege jetti», dedi Prezıdent.
Sondaı-aq Memleket basshysy tirkeý úshin partııa músheleri sanynyń tómengi shegin eki esege azaıtýdy usyndy.
«Bul aıtarlyqtaı mańyzdy ózgeris. Bul azamattyq belsendilikti arttyrýǵa qosymsha múmkindik beredi. Jalpy, biz partııalarǵa jáne saılaýlarǵa qatysty zańdardy birte-birte ózgertýimiz kerek», dedi Qasym-Jomart Toqaev.
