Úkimet • 20 Jeltoqsan, 2019

Qazaq-qyrǵyz shekarasyndaǵy ótkizý beketteriniń jumysy qaraldy

11 ret kórsetildi

Parlament Májilisi depýtattarynan quralǵan delegasııa QR IIDM Avtomobıl joldary komıtetiniń, Qarjy mınıstrligi Memlekettik kirister komıtetiniń, «QazAvtoJol» UK» AQ ókilderimen, sondaı-aq Shekara qyzmetiniń qyzmetkerlerimen birlesip, qazaq-qyrǵyz shekarasyndaǵy ótkizý beketterinde bolyp qaıtty. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Halyq qalaýlylary  «Sortóbe», «Aýqatty», «Qarasý» jáne «Qordaı» ótkizý beketteriniń ınfraqurylymymen, materıaldyq bazasymen, shekaralyq qyzmet qyzmetkerleriniń jumysymen tanysty. Qazaq-qyrǵyz shekarasynda barlyǵy 7 ótkizý beketi jumys isteıdi. Olardyń ótkizý qabilettiligin arttyrý maqsatynda Indýstrııa jáne ınfraqurylymdyq damý mınıstrligi beketterdi jańǵyrtýǵa, rekonstrýksııalaýǵa, sondaı-aq, beketke kirý joldaryn keńeıtýge, ótkizý beketiniń mańaıyndaǵy aýmaqtardy abattandyrýǵa baǵyttalǵan jumystardy júrgizip jatyr. Avtomobıl joldary komıtetiniń tóraǵasy Saıranbek Barmaqovtyń aıtýyna qaraǵanda, Qazaqstan Respýblıkasynyń IIDM ótkizý beketiniń júktemesin eskere, Shekara qyzmetimen birlesip joǵaryda atalǵan nysandardy 2020-2025 jyldar aralyǵynda kezeń-kezeńimen jańǵyrtýdy josparlaýda.

«Búgingi tańda merdiger uıymmen «Qordaı» ótkizý beketin rekonstrýksııalaý jónindegi kelisim jasalyp, daıyndyq jumystary («DorStroı» JShS) júrgizilýde. Joba josparǵa sáıkes kelesi jyly aıaqtalady. Sonymen qatar, osy jyldyń 27 qarashasyndaǵy Qazaqstan men Qyrǵyzstannyń Memleket basshylarynyń ekijaqty kezdesýinde Shý ózeni arqyly ótetin «Qarasý» men Aq tilek» ótkizý beketteriniń aralyǵyndaǵy kópirlerdi qalpyna keltirý boıynsha birlesken sharalar týraly kelisimge qol qoıylǵan bolatyn» dep atap ótti ol. 

Kelisim aıasynda 2020 jyly kólik quraldary men jaıaý júrginshilerge arnalǵan qozǵalys jolaqtarynyń sanyn arttyra otyryp, kópirlerdi qalpyna keltirý jónindegi jobalyq-smetalyq qujattama ázirlenedi dep josparlanýda. Joba 2021 jylǵa deıin aıaqtalmaq. «Qarasý» ótkizý beketiniń ózin rekonstrýksııalaý jumystary 2020-2021 jyldary júzege asyrylady dep josparlanǵan. Sondaı-aq, keńes barysynda Májilis depýtattaryna «Sortóbe» jáne «Aýqatty» ótkizý beketterine «kópjaqty halyqaralyq ótkizý beketi» mártebesin berýge qatysty qandaı jumystardyń qolǵa alynǵandyǵy týraly baıandama jasaldy. Búgingi tańda «Kegen» ótkizý beketiniń jumys rejımin ózgertý jáne «Besaǵash» ótkizý beketiniń jumysyn jańartý jónindegi máseleler qaralyp jatyr.

Sońǵy jańalyqtar

Bıyl úlken astyqqa oraq erte tústi

Aımaqtar • Búgin, 18:05

KASE-niń jańa mindetteri aıqyndaldy

Ekonomıka • Búgin, 15:25

Ury alysqa uzamady

Aımaqtar • Búgin, 14:46

Dollardyń búgingi baǵamy belgili boldy

Ekonomıka • Búgin, 11:40

Uqsas jańalyqtar