Úkimet • 20 Jeltoqsan, 2019

Parlament Senaty temirjol kóligi máseleleri jónindegi zań jobasyn maquldady

16 ret kórsetildi

Bul qujat saladaǵy 3 negizgi máseleni sheshýge baǵyttalǵan. Birinshisi – jolaýshylar tasymalyn sýbsıdııalaýdy ońtaılandyrý jáne ashyq etý. Ekinshisi – jasyryn júk tranzıtiniń aldyn alý. Úshinshi másele – tutynýshylar quqyǵyn qorǵaýdy esepke ala otyryp, kirme joldardyń qyzmetin retteý. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Memleket basshysynyń Joldaýyn iske asyrý maqsatynda ázirlengen «Qazaqstan Respýblıkasynyń keıbir zańnamalyq aktilerine temirjol kóligi máseleleri boıynsha ózgerister men tolyqtyrýlar engizý týraly» zań jobasy 2019 jylǵy 20 jeltoqsanda Parlament Senatynda birinshi oqylymda maquldandy.  

Zań jobasynyń birinshi baǵyty (jolaýshylar tasymalyn sýbsıdııalaýdy ońtaılandyrý jáne ashyq etý) boıynsha jolaýshylar qozǵalysynda lokomotıvtik tartymnyń jeke operatoryn qurý josparlanǵan. Bıýdjetten qosymsha qarajat qarastyrmaı-aq, kross sýbsıdııalaýdan bas tartý úshin jolaýshylar tasymaldaýshylaryn qoldaýǵa júk tasymaldaýshynyń teńgerimdeýshi tólemi engiziledi. Bul jolaýshylar tasymalynyń naqty shyǵyndaryn kórýge múmkindik beredi. Atalmysh norma jańa mehanızmdi pysyqtaý úshin tek bir jyl, ıaǵnı 2020 jyly iske asyrylady. О́zgerister nátıjesinde memlekettik sýbsıdııany taratý ashyqtyǵy arta túsedi. Osylaısha, jolaýshylar tasymalyn sýbsıdııalaý mehanızmi biryńǵaı standartqa keltiriledi.

Ekinshi baǵyt (júkterdiń jasyryn tranzıtiniń aldyn alý) boıynsha júk tasymaldaý kezinde ishki (ımporttyq/eksporttyq) jáne tranzıttik tarıfter bar. Tranzıttik tarıf ishki tarıfterden 4 ese joǵary bolǵandyqtan, kásipkerler ımporttyq-eksporttyq tártipte júk tasymaldaý arqyly jasyryn tranzıt shemasyn qoldanady. Osyndaı tásildiń sebebinen «Qazaqstan temir joly» jyl saıyn 16 mlrd. teńgege jýyq kiristen qaǵylyp otyr. Soǵan baılanysty júrý jolynda tıep túsirýdi jáne kólik túrin aýystyrý rásimin qamtıtyn «júk tranzıti» uǵymy engiziledi.

Úshinshi baǵyt boıynsha, qazirgi ýaqytta kirme joldardy bólshektep alý jaǵdaıy oryn alyp otyr. Iаǵnı, iri menshik ıeleri jeke bólikterdi satý arqyly bir kirme joldy birneshe bólikke bóledi. Jáne jańa tarmaq ıelerine jeńildetilgen tártipte kórsetiletin qyzmetter úshin joǵary tarıf bekitedi. Sondaı-aq vagondardyń baǵyttamaly burmalar arqyly júrip ótkeni úshin jeke tólem alý oqıǵalary kezdesedi.

Sondyqtan kirme joldar qyzmetterin tutynýshylarynyń quqyqtaryn qorǵaý úshin zań jobasymen kelesi normalar qarastyrylǵan:

1) kirme joldardy satý jáne satyp alý sharttaryn tabıǵı monopolııa salasyndaǵy ýákiletti organmen kelisý;

2) qaıtadan satyp alynǵan joldarǵa jańa tarıfter bekitý;

3) tek tutynýshyǵa deıingi kirme joldyń qashyqtyǵyna tólem alý;

4) baǵyttamaly burma arqyly aqysyz júrip ótýdi reglamentteý.

Zań jobasyn Parlament Májilisinde kelisý barysynda depýtattar jol júrý bıletterin zańsyz satý, qaıta satqany úshin jaýapkershilikke tartý, sondaı-aq qurylys jobalaryn mekemeden tys keshendi saraptama jasaý máseleleri boıynsha túzetýler engizdi. Onyń ishinde, jeke jáne zańdy tulǵalarǵa jol júrý qujattaryn zańsyz satý, qaıta satý úshin ákimshilik jaýapkershilik qaıta engizilip, aıyppul mólsheri 100-den 500 aılyq eseptik kórsetkishke deıin ulǵaıtyldy.

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar