«Alǵashqy otyrystan beri úsh aı ýaqyt ótti. Osy qysqa merzimde barlyq úsh blok usynystaryn berdi. Prezıdent Ákimshiliginde 18 otyrys ótti. Bul óz kezeginde aýqymdy jumys atqarylǵanyn bildiredi, ıaǵnı árbir blok 30-dan kem emes usynys engizdi. Búgin Prezıdenttiń sózinen usynystardyń kóbi qabyldanǵanyn túsinýge bolady», dedi Danııa Espaeva.
Sondaı-aq ol ekonomıkalyq blog usynǵan usynystardyń Prezıdent deńgeıinde sheshim qabyldanǵanyn aıtty.
«Ekonomıkalyq blok qamtyǵan usynystardyń kóbi Prezıdent deńgeıinde sheshim qabyldanǵany qýantady. Sonymen qatar saıası reformalar da nazardan tys qalmady. Sondyqtan partııalardy tirkeýge qatysty másele mańyzdy boldy. Búgingi otyrys barysynda biz jaqsy jańalyqty estidik, músheleri sany 40 myńnan 20 myńǵa deıin qysqaratyny aıtyldy. Iаǵnı partııany tirkeýde músheler sanynyń tómengi shegi eki esege azaıtylmaq», dedi D. Espaeva.
