Qoǵam • 20 Jeltoqsan, 2019

130-baptyń qylmystyq sıpattan alynyp tastalatyny qýantady - Armanjan Baıtasov

167 retkórsetildi

Ulttyq qoǵamdyq senim keńesiniń múshesi, Qazaqstan Medıa Alıansynyń tóraǵasy Armanjan Baıtasov búgin Ulttyq qoǵamdyq keńestiń otyrysynda aıtylǵan Prezıdenttiń jala jabý týraly bapty dekrımınalızasııalaýǵa qatysty pikir bildirdi.

«Jalpy, men úshin bul otyrys óte jaqsy áser qaldyrdy. Mańyzdy kezdesý boldy dep sanaımyn. О́ıtkeni, Ulttyq senim keńesiniń músheleri arasyndaǵy, sondaı-aq ártúrli komıtetterde talqylanǵan usynystar Prezıdenttiń baıandamasynda qandaı da bir túrde kórinis tapty» dedi Armanjan Baıtasov.

Sondaı-aq ol saıası reformalarǵa, onyń ishinde saıası partııalarǵa jáne mıtıngilerge qatysty eskertýler týraly pikir bildirdi.

«Biz qazir birtindep damyp jatqan elmiz, reforma turǵysynan alǵanda damý evolıýsııalyq túrde júrip jatyr. Biz ózara kelisimge kelip, reformalardyń eń durys jáne túsinikti joldaryn izdestirip jatyrmyz. Bul óte mańyzdy» dep atap ótti Medıa Alıans basshysy.

Onyń aıtýynsha, QR Qylmystyq kodeksi 130-babynyń (Jala jabý) qylmystyq sıpat dep tanylmaýy jýrnalıster jumysynyń múmkindikterin keńeıtetin bolady.

«130-bapqa qatysty aıtar bolsam, jýrnalıst retinde, medıa salasynyń qyzmetkeri retinde, Qazaqstan Medıa Alıansynyń tóraǵasy retinde, árıne, osy baptyń qylmystyq sıpattan alyp tastalatyny qýantady. О́ıtkeni sóz bostandyǵy, meniń oıymsha, memlekettiń turaqty damýyna yqpal etedi. Osy baptyń dekrımınalızasııalanýy jýrnalısterdiń batyl jumys isteýine múmkindik beredi. Jýrnalıstik zertteýler qaıta shyǵa bastaıdy, jýrnalıster sapaly materıaldar daıyndaýǵa umtylady. Sosyn bizdiń de jýrnalısterdi kóp oqı bastaıdy. Sondyqtan da, 130-bapty qylmystyq sıpattan alyp tastaý týraly sheshim óte mańyzdy boldy dep sanaımyn» dedi Armanjan Baıtasov.

 



Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar