Qazaqstan áskeri qorǵanystyq tıimdi júıesi men qazirgi zamanǵa saı, beıbitshilik pen qaýipsizdiktiń kepildigi retinde qalyptasqan. Áskerı ókildiktermen kezdesý barysynda Qorǵanys mınıstriniń orynbasary general-maıor Tımýr Dándibaev Qarýly Kúshterdiń 2019 jylǵy qyzmetiniń qorytyndysy men keler jyldyńjosparlary jaıly aıtty.
Qazaqstandyq áskerdiń damý men kásibıliginarttyrý, materıaldyq-tehnıkalyq bazany jandandyrý, qoǵamdaǵy áskerı qyzmettiń bedeli men abyroıyn arttyrý boıynsha is-sharalardyń kesheni maqsatty túrde júrgiziledi. Aǵymdaǵy jyly Qarýly Kúshterde jedel daıyndyqtyń 100-den asa jáne jaýyngerlik daıarlyqtyń 7000-nanastam is-sharasy ótkizilgen. Olardy ótkizý barysynda jańa taktıkalyq tásilderdiń izdenisteri, basqarý júıeleriniń daıarlyǵy men tájirıbeni engizýge basty nazar aýdaryldy. Odan bólek, qazaqstandyq áskerıler halyqaralyq oqý-jattyǵýlarǵa qatysýdy jalǵastyratyn bolady.
Qazaqstan Respýblıkasy qorǵanys jáne qaýipsizdik salasyndaǵy óziniń sheteldik áriptesterimen dostyq jáne iskerlik baılanysty odan ári arttyrýǵa umtylady. Qorǵanys mınıstrligi óziniń halyqaralyq qyzmetinde barlyq eldermen jáne halyqpen beıbitshilikte ómir súrý qaǵıdalaryna sáıkes jumys jasaýda.
Halyqaralyq qorǵanys taqyrybyna kelgende Qazaqstannyń seriktes-memlekettermen beıbitshilikti ornatý boıynsha birlese atqarǵan jumysy eskerildi. Bul týraly memlekettiń BUU aıasynda atqarǵan áreketterinen baıqaýǵa bolady.Qazaqstan áriptesterdiń qoldaýymen úndi batalony quramynda bitimgershilik rotany Lıvanǵa jiberdi. Qazirgi kezde atalǵan bitimgershilik mıssııasyna úshinshi qazaqstandyq bitimgershilik rotasy qatysýda. Odan bólek, BUU mıssııalaryna qatysýǵa áskerı-dalalyq gospıtali, ınjenerlik-saperlik jáne basqa da arnaıy bitimgershilik bólimshelerdiń qatysýy qarastyrylýda.
BUU mıssııasynda qaýipsizdikti qamtamasyz etýdi talqylaý alańynda tıimdisi besinshi halyqaralyq sımpozıýmdaǵy bitimgershilik úshin tehnologııalyq seriktestik boldy. Onda Qazaqstan tarapynan beıbitshilik pen qaýipsizdikti qamtamasyz etý sheńberinde barynsha qaýipsiz jáne tıimdi áreket jasaý úshin tehnologııalyq quraldarmen jańalyqtar boıynsha birqatar usynystar engizildi.
Atap aıtqanda, búgingi tańda Qazaqstan Respýblıkasy 182 memleketpen dıplomatııalyq qarym-qatynas ornatqan. Shetelde 57 qazaqstandyń elshilik jáne 24 áskerı attashelerdiń apparatynan turatyn 31 dıplomatııalyq mekeme ashylǵan.Elimizde 95 sheteldik elshilik pen halyqaralyq uıymdardyń ókildikteri jumys atqarady. Áskerı-dıplomatııalyq korpýstyń 44 ókili akkredıttelgen.
