Sport • 23 Jeltoqsan, 2019

Smetov – álemdik reıtıngte ekinshi

282 retkórsetildi

Dzıýdo kúresiniń sheberleri úshin bıylǵy maýsym aıaqtal­dy. Sońǵy ret olar Qytaıdyń Sıntao qalasynda ótken «Mas­te­rs» týrnırine qa­tys­ty. Tórt­kúl dúnıeniń úzdik bal­ýan­dary ǵana beldesken dú­bir­li dodada Qazaqstan qu­ra­­m­asyna birde-bir medal buıyrmady. Eń úzdik nátı­je­miz – asa jeńil salmaqta óner kórsetken Eldos Smetov pen Ǵusman Qyrǵyzbaevtyń be­sin­shi oryndardy ıelenýi.

 

Qytaıda ótken «Masters» týrnı­rindegi sátsizdikke qaramastan, Qazaqstannyń erler quramasy úshin bıylǵy maýsym jaman aıaqtalǵan joq. Jyldyń basty jarysy – Tokıoda ótken álem chempıonatynda Eldos Smetov qola medaldy ıelendi. Parsy shyǵanaǵynda uıymdastyrylǵan Azııa birinshiliginiń aqtyq saıysy­n­da Erlan Serikjanov pen Eldos Juma­hanov 66 kılo salmaq dárejesiniń bas júldesin ózara sarapqa saldy. Nátıjesinde Erlan altyn alsa, Eldos kúmispen kúpteldi. Al Ǵusman Qyrǵyzbaev pen Islam Bozbaev qola medaldy moıyndaryna ildi. Odan bólek, Grand Slem, Gran-prı sekildi úzdiksiz ótip turatyn taǵy basqa týrnırlerden san márte oljaly oraldyq. Sonyń arqasynda búgingi tańda birqatar dzıýdoshymyz álemdik reıtıngte úzdikter sanatyna qosyldy. Iá, dáp qazir bizder úshin eń mańyzdy másele osy. О́ıtkeni myqtylar tiziminde alǵashqy 18 orynda turǵan balýandar birden, esh «yń-shyńsyz» Olımpııa oıyndarynyń joldamasyna ıelik etedi.

 Osy oraıda myna bir jaıtty esten shyǵarmaǵan jón. Eger bir memlekettiń birneshe ókili álemdik reıtıngtiń aldyńǵy leginen kórinse, onda joldama eń joǵary oryndy ıelengen bir ǵana balýanǵa beriledi. Sonymen qatar ár qurlyqqa jeke-jeke taratylatyn lısenzııalar taǵy bar. Solardyń 20-sy (10 erler,10 áıelder) Azııaǵa tıesili. Bir sózben aıtsaq, 2020 jyly Tokıoda alaýy tutanatyn ǵalamdyq dodada baq synaý qurmetine bólený úshin álemdik reıtıngte shamamen «TOP-25» dzıýdoshynyń qatarynan kóriný jetkilikti.

Qazirgi kezde Qazaqstannyń erler qurama komandasynyń alty múshesi «TOP-25» balýany sanatynda. Eger baıraqty básekeler barysynda jeti salmaq dárejesi boıynsha júldelerdiń sarapqa salynatynyn eskersek, bul jaman kórsetkish emes. Ásirese 60 kılo salmaqta óner kórsetetin jigitterimizdiń qarqyny qýantarlyq. Qorjynynda 5809 upaı bar Eldos Smetov ekinshi orynda kele jatsa, 4340 upaıdy oljalaǵan Ǵusman Qyrǵyzbaev segizinshi satyǵa jaıǵasty. Ázirge otandyq dzıýdoshylarymyz arasyndaǵy eń jaqsy nátıje osy.

Bul kúnderi 66 kılo salmaqta bel­de­­setin Erlan Serikjanov 11-orynda tur. Ol 3570 upaıdy enshileýde. Eldos Jumahanov 20-satyǵa taban tiredi. Onyń qor­jy­nynda 2543 upaı bar. 90 kılo salmaq dárejesindegi Islam Bozbaev 14-oryndy (3213 upaı) ıelense, 81 kılo salmaqtaǵy Dıdar Hamza 24-satyǵa (2282 upaı) turaq­tady. Osy alty balýandy Jansaı Smaǵulov ókshelep keledi. Ázirge ol 26-orynda (2207 upaı) tur.

О́ki­nishke qaraı, aýyr salmaqtaǵy bal­ýan­­darymyz halyqaralyq jarystarda kóńil kónshiterlikteı óner kórsete almaı júr. Máselen, 100 kılo salmaqtaǵy Aıbek Serik­ba­ev pen Vıktor Demıanenko 953 upaıǵa qol jetkizip, 48 jáne 49-satylarǵa jaıǵassa, +100 kılo salmaqtaǵy Erasyl Qajybaev 37-oryndy (1347 upaı) qanaǵat tutýda. Aldaǵy jarys­tarda namys­taryn qamshylamasa, aıtýly jigitterdiń tórtjyldyqtyń basty dodasynan syrt qalý qaýpi týyndap tur.

Erlerdiń álemdik reıtıngine kóz júgirtsek, Japonııa quramasynyń qarqyny kúshti ekenin ańǵarý esh qıyn emes. Búgingi tańda Kúnshyǵys eliniń 12 óreni «TOP-10» dzıýdoshynyń tiziminde. Grýzııanyń alty qyrany jáne Gollandııanyń bes balýany myqtylar sanatynda. Brazılııa, Mońǵolııa, Izraıldiń – tórt, Reseı, Ázerbaıjan, Kanada, Túrkııa, Ońtústik Koreıanyń – úsh, Qazaqstan men Ispanııanyń – eki, О́zbekstan, Taıpeı, Italııa, Moldova, Ýkraına, Kosovo, Shveısarııa, Belgııa, Germanııa, Bolgarııa, Serbııa, Kýba, Vengrııa, Portýgalııa, Irlandııa jáne Chehııanyń – bir tatamı sheberi joǵaryda atalǵan mejeden kórindi.

Al álemdik reıtıngtiń kóshbas­shy­lary mynalar: 60 kılo – Rıýdzıý Nagaıama (Japonııa), 66 kılo – Djýshıro Marýıamo (Japonııa), 73 kılo – Rýstam Orýdjev (Ázerbaıjan), 81 kılo – Sagı Mýkı (Izraıl), 90 kılo – Nıkoloz Sherazadıshvılı (Ispanııa), 100 kılo – Mıhael Korrel (Gollandııa) jáne +100 kılo – Lýkash Krpalek (Chehııa).

Áıelder jaıynda aıtar bolsaq, Qazaqstan qurama komanda músheleri arasynda 48 kılo salmaqtaǵy Otgoneseg Galbadrah qana senim údesinen shyǵýda. Alaıda onyń ózi de sońǵy kezderi jıi súrinýde. Bul kúnderi Galbadrah álemdik reıtıngte 11-orynda tur. Al ózge salmaq dárejelerindegi betkeustar balýandarymyz mynadaı satylarǵa taban tiredi: Anna Kazıýlına (52 kılo) – 54, Sevara Nyshanbaeva (57 kılo) – 35, Iolanta Berdibekova (63 kılo) – 58, Móldir Narynova (70 kılo) – 67, Zarına Raıfova (78 kılo) – 41 jáne Gúljan Isanova (+78 kılo) – 46-oryn. Eger aldaǵy ýaqytta ótetin básekelerde burymdylar qarqynyn kúrt kúsheıtpese, onda Tokıo Olımpıadasynda jalǵyz ǵana Otgoneseg Galbadrahtyń óner kórsetetini anyq.

Qazirgi kezde áıelderdiń álemdik reıtınginde myna dzıýdoshylar aldaryna jan salmaı keledi: 48 kılo – Darııa Belodıd (Ýkraına), 52 kılo – Amandın Bıýshar (Fransııa), 57 kılo – Krısta Degýchı (Kanada), 63 kılo – Klarıss Agbenený (Fransııa), 70 kılo – Marı-Iv Gaıe (Fransııa), 78 kılo – Madelına Malonga (Fransııa) jáne +78 kılo – Idalıs Ortıs (Kýba).

Sońǵy jańalyqtar

Zańger kóp, kúzetshi joq

Qoǵam • Búgin, 17:49

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Uqsas jańalyqtar