Álem • 23 Jeltoqsan, 2019

Fransýzdar zeınetkerlik reformasyna qarsy

20 retkórsetildi

Fransııadaǵy zeınetkerlik reformasyna qarsy mıtıngiler áli jalǵasyp jatyr. Eki apta buryn reformaǵa narazylyǵyn bildirgen halyq, óz qalaýyna jetpeı úılerine qaıtpaıtyn syńaıly. 17 jeltoqsanda úshinshi jalpy ulttyq aksııa ótip, oǵan respýblıka boıynsha 615 myńnan astam adam qatysqan.

CGT Kásipodaqtar uıy­my Fransııa boıynsha manı­festanttardyń jalpy sany 1,8 mln dep boljap otyr. Olar­­dyń 24,7 paıyzy temir jol jumys­­shylary, 12 paıyzy bastaýysh mek­tep muǵalimderi, 19 paıyzy oqý oryn­dardyń qyzmetkerleri degen derek bar. Me­dısına, sot qyzmetkerleri, polıseıler de narazylar qatarynda. Adam qarasynyń kóptigi sonsha, sarapshylar muny byltyrǵy «sary keý­desheler» mıtıngilerinen asyp tústi degendi aıtady.

Al halyqtyń bas kóterýine el pre­zıdenti E.Makronnyń zeı­netkerlik reformasyn jasaýy sebep. Fransııada zeı­netkerlikke qatysty 10-ǵa jýyq baǵ­darlama bar. Saıasatkerlerdiń aıtýynsha, olardy qarapaıym halyqtyń tú­sinýi qıyn. Prezıdent baǵdarlamalardy biriktirip, bir júıe ázir­leýdi usynǵan. Naqty aıtar bolsaq, memleket basshysy baldyq júıeni usynyp otyr. Iаǵnı, reforma qabyldanǵan jaǵdaıda, zeınetaqy upaılarǵa sáıkes tólenbek. Al bul kóptegen mamandyq ıeleriniń jaǵdaıyn qıyndatpaq. Bul tizimge teńiz­shiler, zańgerler, tipti opera ártisteri de enip otyr. Jalpy, Fransııada sońǵy 10 jylda zeınetke shyǵý jasy 60-tan 62-ge ulǵaıtylǵan. Bul – ozyq elderdiń arasyndaǵy eń tómen kórsetkishterdiń biri. Máselen, Ulybrıtanııada halyq 66 jasta zeınetke shyǵady. Makron usynyp otyrǵan reforma bara-bara zeınetke shyǵý jasyn da ulǵaıtpaq. Onyń aıtýynsha, jańa erejelerge sáıkes, 62 jasta zeınetke shyǵý tıimsiz bolyp, halyq 64 jasynda atalǵan ıgilikti kóretin bolady.

Belsendiler júrgizgen saýal­dama­nyń nátıjesine qara­saq, halyqtyń 75 paıyzy reformaǵa qarsy. Bir qyzyǵy, bu­ǵan alańdatýshylyq tanytqandar 18-34 jas shamasyndaǵy azamattar.

Fransııa premer-mı­nıstri Edýard Fılıpp zeınet­ke shyǵýdyń tómengi jasyn saq­­tap qalatynyn habarla­dy. «Bul tańdaý quqyǵy. Biz ­aza­mat­tarymyzǵa 62 jasyn­da da jumysyn toqtaýǵa múm­kindik beremiz. Degenmen, fransýz hal­qyn uzaq ári kóp jumys is­teýge úgitteýimiz kerek», dedi. Reforma qabyldansa, depýtat­tar, quqyq qorǵaý­shylar, temir­ jol jumysshylary bir ereje boıynsha zeınetaqy almaq. Al jańa júıege sáıkes zeınet­ke shyǵa­tyndardyń birinshi legi 2004 jyly týǵandar dep jos­par­lanǵan. Prezıdent bul reformany Parlament aqpanda qaraı­­tynyn aıtty.

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar