Aımaqtar • 23 Jeltoqsan, 2019

Bes myń oryndyq mádenı-sporttyq keshen paıdalanýǵa berildi

48 retkórsetildi

Alashtyń rýhanı astanasy atanǵan Semeı shaharynda Táýelsizdik kúnine oraı erekshe ǵımarat esigin aıqara ashty. Ereksheligi sol, zamanaýı úlgide salynǵan kópsalaly mádenı-sporttyq keshen bir mezette 5000 adamdy emin-erkin qabyldaı alady.

Álemdik talaptarǵa sáı­kes turǵyzylǵan nysan tıis­ti jabdyqtarmen tolyq qamta­ma­syz etilgen. Ǵımarattyń qas­­be­tinde kózdiń jaýyn alatyn áserli beınelik dıspleı orna­tylǵan. Qalanyń irgesinde jańadan salynyp jatqan Qa­raǵaıly shaǵyn aýdanynda boı kótergen keshende bir mezette 120 adamdy qabyldaı alatyn olımpıadalyq basseın men 55 adamǵa arnalǵan saýyqtyrý bas­seıni, zamanaýı sýburqaq ta bar.

Semeıdiń ajaryna ajar qos­qan ǵımarattyń ashylý saltanatyna  Premer-Mınıstrdiń birinshi orynbasary Álıhan Smaıylov arnaıy qatysyp, óńirdiń damý kórsetkishterine, atqa­rylyp jatqan jumystarǵa joǵary baǵa berdi. «Osy damý qar­qynyn odan ári jalǵastyra berińizder. Qasıetti Semeı je­rinde, uly Abaı týǵan topy­raqta osyndaı keshenniń ashylýy quptarlyq dúnıe. Bul – shy­ǵysqazaqstandyqtarǵa jasalǵan úlken tartý» degen Úkimet bas­shysynyń birinshi orynbasary eńbegimen elengen birneshe shy­ǵysqazaqstandyq azamatqa memlekettik marapattardy saltanatty túrde tabys etti.

Oblys ákimi Danıal Ahme­tovtiń aıtýynsha, endi bul nysanda qala turǵyndary sportpen ǵana shuǵyldanbaıdy, halyq­aralyq deńgeıdegi ár­túrli má­denı jáne sporttyq sha­ralar­dy da qysylmaı ót­kizýge bolady.

Oraıy kelgende aıta keteıik, qurylysy eki jylǵa sozylǵan sporttyq nysannyń jalpy aýma­ǵy – 33,8 myń sharshy metr, jobanyń bas merdigeri – «Fır­ma AZIIа» JShS, jobanyń jalpy quny – 26 mlrd teńge.

 

SEMEI

 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar