Rýhanııat • 23 Jeltoqsan, 2019

Kúlki kerýeni № 29

3391 retkórsetildi

Erekeń aıtqan eken...

Narynqoldyq Ibitanov Erkin adýyndy aqyn ǵana emes, ázil-ospaqtyń da aıtqyshy. Oqystan shyqqan, tapqyr qaljyńdary el qulaǵyn eleń etkizip, kópshilik arasyna sińip, aýyzdan-aýyzǵa kóship júre beredi. Aınalasyn kúlkige keneltken qıqar jaýaptardyń ár jaǵynda astarly oılardyń jatqanyn ańǵarý qıyn emes. Endeshe, Erekeń ne der eken, alqaqotan otyryp, tyńdap kórelik.

О́ZDERIŃE QIYN BOLDY-AÝ

Aýyzdyǵymen alysqan Gorbachevtiń araqty qymbattatqan kúni eki-úsh qaınaǵasy: «Ol myna jańalyqty áli estigen joq, bir qatyraıyq», — dep baılam jasapty.

— Ereke-aý, jańa ǵana radıodan berdi, sizge ońaı soqpaıtyn sheshim qabyldandy.

—  Ol neǵylǵan qıyndyq?

— Araqtyń baǵasy qymbattap ketipti.

— Oı, bátshaǵarlar, maǵan emes, naǵyz qıyndyq ózderińe ornap tur eken qoı.

— Hege, — dedi olar qosarlana.

— О́ıtkeni, araqty alatyn sender, ishetin men ǵoı, — degen eken.

                       

BUL – ÁKEMNIŃ MAShINASY

Qarasazdaǵy Muhametjan qarııanyń balasy Jeken «Volga» mashınasyn alǵan kúni Erekeń sol aýylǵa barypty. Jolaı inisi kezdesip qalyp, qýanyshyna ortaqtasýyn ótinedi. Júk salǵyshta «as - sý» mol, urttap-tatyp yzǵytady.

Aıadaı aýylda jańalyq jata ma, eki týysqannyń sán-saltanaty qarııaǵa da jetedi. Ol myna qylyqqa ashýlanyp, dereý kúreńine mine salyp shaba jónelipti.

Mashınadaǵylar máz bolyp kele jatsa, qamshysyn MAI qyzmetkerleriniń taıaqshasyndaı kóldeneń ustap ákeleri tur. Sasqalaqtap qalady.

— Qap, qurtatyn boldy, — dep sanyn soqty Jeken.

— Sen úndeme, jaýabyn ózim beremin, — dedi Erekeń.

Mashına jer tistep toqtady. Qarııa ursa jóneldi.

— Mynaý sumdyq qoı. Tehnıka at emes, baıqamaı bireýdi qaǵyp ketseńder ne bolady, á?! — dep bastyrmalatty. Sonda Erekeń:

— Aǵa, bul ákeńizdiń mashınasy ma? — deıdi.

— E, joǵa.

— Onda bizdi kinálamańyz, tipten, jumysyńyz bolmasyn, sebebi, mynaý bizdiń ákemizdiń mashınasy, — degen eken.

                               

ÁI, PRORAB!

 Tań atqansha óleń jazyp sharshap, jeksenbide esik aldyna shyqsa, aty da, zaty da tanys joldasy kósheni kesip ótip barady. Shaqyraıyn dese, tabanda esiminiń aýzyna túspeı qalǵany. Áıteýir onyń kásibin jaqsy biledi. Sonda:

— Áı, prorab!

(Ol jalt qarapty).

Ákelshi bir araq?

Stakan surap ap,

Isheıik tura qap, —degen eken.

                

PARTORG BOLǴANYN QARAShY

Issaparǵa barǵan Erekeńdi sharýashylyqtyń jańa saılanǵan jas partorgi alyp júripti.

— Qazir solǵa! — deıdi ol júrgizýshige aldyńǵy jaqty ıegimen nusqap. Biraq, qatelesipti. Partorg dereý:

— Oı, aıtpaqshy ońǵa! — dep qalady.

Bárin baqylap otyrǵan Erekeń:

— Áı, qudaı-aı: oń men solyn tanyp úlgermegen bireýlerdiń partorg bolǵanyn qarashy, — degen eken.

                      

MAǴAN UIаT EMES

Aýpartkomnyń birinshi hatshysy Erekeńe erteńgi saǵat 7-de telefon shalady.

— Ereke, «Jetisý» gazetiniń 50 jyldyǵyna arnap anaý kúngi men tapsyrǵan eki shýmaq óleńdi jazdyń ba! — depti.

— Aıtqanyńyz sol sátte-aq oryndalǵan.

— Bárekeldi! Shoferimdi jibereıin, alyp úıge kelshi, — deıdi.

Hatshy jazylǵan dúnıege bek razy bolypy. Kún jeksenbi.

— Al, Ereke, mynaý jýatyn nárse eken. Tań atpaı júzdetip jibersek, uıat emes pe, —deıdi. Sonda Erekeń:

— Sizge uıat bolar, al maǵan uıat emes, — degen eken.

                       

BAL BOLMASA, MAL…

... Qarasha aıynda bir kolhoz tóraǵasyna Erekeń:

— Hafeke, bal bershi, — depti.

— Oıbaı-aý, osy kúzde bal bolýshy ma edi. Álde qashan ada jasadyq. Suraıtyn mezgildi bilmeıdi ekensińder, — dep dyzaqtaǵan kórindi. Sonda Erekeń:

— Jaraıdy, onda mal bershi, — degen eken.

        QARA JUMYSQA KESILGEN SIIаQTYMYN

— Qaltańyzda nege aqsha júrmeıdi? — depti birde qyzmettes inisi.

— Bala, osy men máńgilik qara jumysqa kesilgen sııaqtymyn.

— Hege?

— О́ıtkeni, aılyqty korrektor bolyp isteıtin jeńgeń alady, men tek qol qoıyp beremin, — degen eken.

                    

MAHABBATTYŃ DA KО́GILDIRI BOLA MA EKEN?

«Senbisiń kógildir mahabbatym...» dep shyrqalatyn Shámshiniń ánin tyńdap otyrǵan Erekeń:

— Oı, toba-aı! Mahabbattyń da kógildiri bolady eken-aý! — degen eken.

                                         

Batyq MÁJITULY

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Áskerı jıynǵa kimder barmaıdy?

Qazaqstan • Búgin, 11:36

Uqsas jańalyqtar