Qoǵam • 23 Jeltoqsan, 2019

16 myńnan astam múgedektigi bar adam «Eńbek» baǵdarlamasyna qatysty

9 retkórsetildi

2019 jylǵy 1 jeltoqsandaǵy jaǵdaı boıynsha Nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan «Eńbek» memlekettik baǵdarlamasyna qatysýshylardyń quramyna múgedektigi bar 16,5 myń adam kirdi, bul qatysýshylardyń jalpy sanynyń 2,6%-yn quraıdy (622,7 myń adam), onyń ishinde 14,4 myń adam jumysqa ornalastyrylsa, onyń ishinde turaqty jumys oryndaryna – 7,7 myń adam turǵyzyldy.

Eńbek naryǵynda suranysqa ıe kásipter boıynsha kásiptik daǵdylardy qalyptastyrý maqsatynda azamattardyń jekelegen sanattary úshin qysqamerzimdi kýrstar ótkizýdi kózdeıtin «Eńbek» memlekettik baǵdarlamasynyń birinshi baǵyty aıasynda 1942 múgedek bilim alýda, onyń ishinde 1 213 oqýdy aıaqtap, 603 adam jumysqa ornalastyryldy.

«Eńbek» memlekettik baǵdarlamasynyń ekinshi baǵyty boıynsha azamattardyń kásipkerlik bastamalaryn damytýdy, «Bastaý Bıznes» jobasy boıynsha kásipkerlik negizderine oqytýmen 1 847 adam qamtyldy. О́z bıznes jobalaryn 450 múgedektigi bar adam qorǵap shyǵyp, onyń ishinde 145 adam mıkrokredıtter men granttar aldy.

Sonymen qatar, 554 múgedektigi bar adam mıkrokredıt alyp, 659 adam grantqa ıe boldy.

Memlekettik baǵdarlamanyń úshinshi baǵyty azamattardyń jekelegen sanattaryn jumyspen qamtý úshin memleket tarapynan sýbsıdııalanatyn jumys oryndaryn qurýdy qarastyrady. Ony júzege asyrý aıasynda bos jumys oryndaryna 7 665 adam, áleýmettik jumys oryndaryna 1 048, qoǵamdyq jumystarǵa 5 069 adam, jastar praktıkasyna 551 adam jiberildi.

Osyǵan qosa, múgedektigi bar adamdarǵa arnalǵan jumys oryndaryn kvotalaýdyń nátıjesinde 3000 adam jumysqa ornalastyryldy.

Sondaı-aq múgedektigi bar adamdar úshin 24 arnaıy jumys orny quryldy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar