Saltanatty shara barysynda memlekettik jáne qoǵamdyq qyzmettegi eńbegi úshin marapattalǵandardy quttyqtaǵan oblys basshysy Jeńis Qasymbek Arys qalasyn qalpyna keltirý isine qaraǵandylyqtardyń da qomaqty úles qosqanyn atap ótti.
– Gýmanıtarlyq kómekten basqa, biz zardap shekken turǵyn úılerdi qalpyna keltirý boıynsha da qyrýar sharýalardy atqardyq. Barlyq jumystar belgilengen merziminen buryn aıaqtaldy. Eń bastysy, turǵyndar dán rıza boldy. El Prezıdentiniń jerlesterimizdi eńbekqorlyǵy men jaýapkershiligi úshin marapattaǵany biz úshin mártebe jáne úlken qýanysh, – dedi ol.
Eńbegi eskerilgenderdiń arasynda Qaraǵandy oblystyq qurylys, sáýlet jáne qala qurylysy basqarmasynyń basshysy Taıhan Qalmahanov ta boldy. Ol «Eren eńbegi úshin» medalimen marapattalsa, «Stroıka ı K» JShS-niń jumysshysy Sembaı Tuıaqov Qazaqstan Respýblıkasynyń Qurmet gramotasyna ıe boldy.
Sondaı-aq, Qaraǵandy oblysy ákiminiń birinshi orynbasary Asylbek Dúısebaev pen «GorKomHoz» JShS dırektory Meıram Ysqaqov Qazaqstan Respýblıkasy Prezıdentiniń Alǵys hatymen marapattaldy.
Qaraǵandy oblysy
