Aımaqtar • 23 Jeltoqsan, 2019

Almatyda alǵash ret Aıaz balalardyń sherýi ótti

23 retkórsetildi

Ádette, jyl saıyn Jańa jyl merekesi qarsańynda kóńili qaıaý balalardy qýantý úshin túrli sharalar uıymdastyrylyp jatady. Bul joly Almatyda birinshi ret balalar úıleri men arnaýly mektep-ınternattyń tárbıelenýshileri qala turǵyndaryna ózderi syılyq úlestirýge shyqty. Osylaısha megapolıste alǵashqy Aıaz balaqaılar sherýi ótti

Shynynda da balalarǵa aıtarlyqtaı shattyq syılaǵan merekelik sherýde 100-den astam balaqaı bı men mýzykaǵa ilesip, qalalyqtarǵa kóńildi flesh-mobtar kórsetti. Kútpegen jerden paıda bolǵan júzdegen Aıaz bala mandarınder men tátti kúlsheler taratyp, tamasha kóńil-kúı syılady.

Qalalyqtardy da bir qýantyp ótken bul sherýdi Almaty qalasy ákimdiginiń qoldaýymen «Aıala» qaıyrymdyq qory ótkizdi.

Áıtpese, dástúr boıynsha birinshi kezekte Jańa jyl aldynda balalar úıleri men mektep-ınternattardyń tárbıelenýshilerin qýantýǵa tyrysatynymyz belgili. «Aıaz Ataǵa hat» jazǵan balalardyń asyl tilekteri oryndalady. Degenmen, bıyl Almatydaǵy Aıaz balaqaılar sherýin uıymdastyrýshylar bul dástúrdi ózgertti.

«Árıne, bizdiń is-sharanyń basty maqsaty – óz qalamyzdyń turǵyndary úshin merekelik kóńil kúı syılaý. Biraq biz Jańa jyl merekesinde kóp kóńil bólinetin mektep-ınternattardyń tárbıelenýshileri ózderiniń de syılyq berip, kóńil bólýdiń óte jaqsy ekenin sezgenin qaladyq. Bizdiń qor Qazaqstanda qaıyrymdylyq mádenıetin qalyptastyrýǵa kómektesýge tyrysady. Kúnkórisi tómen otbasylardyń balalary is-sharalarǵa qatysyp, aınalasyndaǵy adamdarǵa kóńil bólýi jáne jyly lebiz bildirýi olardyń qaıyrymdy, yqylasty jáne jomart adam bolyp ósýine kómektesetinine senimdimiz», – dedi «AIаLA» qaıyrymdylyq qorynyń prezıdenti Aıdan Súleımenova.

Sonymen Aıaz balaqaılar sherýi Almatydaǵy Panfılov kóshesiniń jaıaý júrginshiler jaǵymen Tóle bı dańǵylynan Jibek joly kóshesiniń Abylaı han dańǵylymen qıylysyna deıin jalǵasty. Jol boıy balalar tájirıbeli anımatorlardyń jetekshiligimen 3 flesh-mob ótkizip, júrginshilerdi quttyqtap, mandarınder men táttiler taratty.

1

«Aıaz balaqaılar paradyna qatysý balalarǵa merekeni ózderi de jasaı alatyndyqtaryna sendirip, umytylmastaı sátter syılaıtynyna, sondaı-aq qoǵamnan bolashaqta odan da kóp alý úshin oǵan qazir birdeńe berýdiń mindetti ekenin túsinetinine senimdimiz», – deıdi uıymdastyrýshylar

Saltanatty oqıǵa aıaqtalǵannan keıin barlyq Aıaz balaqaılardy Zheka’s dámhanasy qonaq etti. Álbette, uıymdastyrýshylar bul kúnniń odan da tamasha jáne este qalarlyq bolýy úshin ár balaǵa tátti syılyqtar berdi.   

 

 

ALMATY

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar