Birlesken is-qımyl jospary sondaı-aq jumys berýshiniń, qyzmetkerdiń jáne qala ákimshiliginiń ózara jaýapkershiligin arttyrýǵa, qyzmetkerlerdiń áleýmettik-ekonomıkalyq quqyqtaryn qorǵaý jónindegi sharalardy kúsheıtýge, salaýatty jumys kúshin qalyptastyrýǵa baǵyttalǵan.
Qala ákimi Altaı Kólginov elordada 50 myń kásiporyn tirkelgendigin, onda 480 myń qyzmetker jumys isteıtindigin aıtty. Osy jyldyń ishinde jasalǵan eńbek sharttarynyń sany 4 myńnan 7 myńǵa deıin, eki ese artty.
«Biz úshin eń bastysy - qyzmetkerlerdiń múddeleri men quqyqtaryn qorǵaý, qaýipsizdik tehnıkasy erejelerin saqtaý. Ujymdyq sharttar óndiristik jaraqattar sanyn azaıtýǵa múmkindik berdi, ólim-jitim jaǵdaılary 3 esege tómendedi. Sondaı-aq, «GLB» JShS jalaqy boıynsha 400 mln teńgeden astam qaryzyn ótedi. Onda 700-den astam adam eńbek etedi. Jol kartasynyń arqasynda 2020 jyly iri jáne orta kásiporyndar qyzmetkerlerin 100% ujymdyq kelisimmen qamtamasyz etýdi josparlap otyrmyz, shaǵyn uıymdarda kórsetkishti 50%-ǵa deıin jetkizemiz», - dedi Altaı Kólginov.
