Ońtústik Koreıa kompanııasy lıft ortalyǵyn salý boıynsha yntymaqtastyqqa daıyn ekendigin bildirdi. Jańa ortalyq satýdan keıingi basqarý tehnologııalarynyń transferti máselelerimen, qurylys jabdyqtaryna qyzmet kórsetýmen, qamtamasyz etýmen, tehnologııalardy damytýmen, ónimniń qaýipsizdigin qamtamasyz etýmen, zertteýmen jáne ázirleýmen, oqytý semınarlary men trenıngter ótkizýmen aınalysatyn bolady.
Aıta ketetin jaıt, sheteldik kompanııa Almaty oblysynda lıft óndirýmen aınalysatyn LGS Elevator qazaqstandyq-koreı kásiporny úshin bólshekter men jınaqtaýyshtardy jetkizýshi. Sondaı-aq kompanııa ókilderi Qazaqstan Respýblıkasynda aýyl sharýashylyǵy tehnıkasyn shyǵarý baǵytynda da birlese áreket etýge nıetti ekendikterin de jetkizdi.
Kompanııanyń bas dırektory Ham En-Chher qazaqstandyq tarap jobany qoldaǵan jaǵdaıda bastamany iske asyrý úshin 7-8 mıllıon AQSh dollary kóleminde qarjy bólýge daıyn.
Qazirgi ýaqytta kópqabatty turǵyn úılerde 24 025 birlik jedelsaty paıdalanylýda, onyń ishinde jolaýshylarǵa arnalǵan - 23 547 birlik lıft, júk-jolaýshy-478 birlik lıft. 13 863 lıft jumys istep tur, 1 684-i jóndeýdi qajet etedi, al 4 478 lıftti aýystyrý qajet.
