Aımaqtar • 23 Jeltoqsan, 2019

Túrkistan: «1424» fılmi kórermen nazaryna usynyldy

213 retkórsetildi

Túrkistanda Sybaılas jemqorlyqqa qarsy is-qımyl agenttigi Túrkistan oblysy boıynsha Departamentiniń bastamasymen jaryq kórgen «1424» qysqametrajdy fılmniń alǵashqy kórsetilimi ótti. Jańa týyndynyń tusaýkeserine oblys ákimi О́mirzaq Shókeev qatysty.

Qoǵamda beleń alǵan jemqorlyq kórinisterin azaıtý jáne oǵan qarsy mádenıettiń jarqyn úlgisin qalyptastyrý, ári halyqtyń azamattyq belsendiligin arttyrý arqyly sybaılastyqtyń jolyn kesý maqsatyndaǵy joba Departament basshysy Hakım Kóshqalıevtiń ıdeıasy negizinde túsirilgen. Úsh apta kóleminde túsirilgen jańa týyndyda rólderdi Departament qyzmetkerleri men Arys qalasyndaǵy «T.Tájibaev atyndaǵy balalar aýylynyń» tárbıelenýshileri somdap shyqqan.

Kórsetilim sońynda oblys ákimi О́mirzaq Shókeev fılmde belsendilik tanytqan birqatar azamattardy Alǵys hatpen marapattady.

«Jemqorlyqpen kúresti mektep qabyrǵasynan bastaý kerek. О́skeleń urpaq jastaıynan jemqorlyqtyń jattyǵyn jadyna sińirip óskende bul indettiń tamyryna balta shabýǵa bolady. Sonda psıhologııany ózgertemiz. Sondaı-aq memlekettik qyzmetkerlerdiń de jaǵdaıyn jan-jaqty jaqsartý kerek. Elimizde jeke maqsattaryn júzege asyrý úshin memlekettik bılikti paıdalanatyndarmen kúres kúsheıip keledi. Elbasynyń talaby men Memleket basshysynyń halyqqa Joldaýyndaǵy tapsyrmasy da osyǵan saıady. Túrkistandaı kıeli jer jemqorlyqtan múldem jat bolýy tıis», – dedi О́mirzaq Estaıuly.

Ataýyna Sybaılas jemqorlyqqa qarsy is-qımyl agenttigi Call-ortalyǵynyń nómiri negiz bolǵan «1424» fılmi aldaǵy ýaqytta Túrkistan oblysynyń barlyq qala-aýdan kórermenderine jol tartady.

 

Túrkistan oblysy

Sońǵy jańalyqtar

Sarbaz qarý-jaraqpen qashyp ketti

Qazaqstan • Búgin, 20:14

Qyzylordada esirtki tárkilendi

Aımaqtar • Búgin, 20:11

Búgingi jańalyqtar (20.02.2020)

Vıdeo • Búgin, 18:45

Ortalyqqa 10 velosıped syılady

Sport • Búgin, 17:35

Abaı murasyna arnalǵan kórme

Rýhanııat • Búgin, 15:41

Elordany kezgen elik ustaldy

Qoǵam • Búgin, 15:40

Jaǵa ustatqan jat qylyq

Aımaqtar • Búgin, 14:29

10 jyl sýbsıdııalanǵan salanyń jyry

Ekonomıka • Búgin, 14:08

Basylym basshylary - Saýytbek ABDRAHMANOV (1951)

Basylym basshylary • Búgin, 12:42

Uqsas jańalyqtar