Ekonomıka • 23 Jeltoqsan, 2019

Baqyt Sultanov: Onlaın-saýdany damytý - mınıstrlik úshin basym mindet

41 retkórsetildi

Ortalyq kommýnıkasııalar qyzmetinde Qazaqstan Respýblıkasynyń saýda jáne ıntegrasııa mınıstri Baqyt Sultanov jýrnalıstermen kezdesti.

«Elbasy N.Nazarbaev saýda vedomstvosy aldyna mańyzdy strategııalyq mindet qoıdy: 2025 jylǵa qaraı – shıkizattyq emes taýarlar men qyzmetter eksporty kólemi boıynsha 41 mlrd AQSh dollary mólsherindegi kórsetkishke qol jetkizý», - dedi mınıstr.

Memleket basshysynyń saılaýaldy baǵdarlamasynda da, Qazaqstan halqyna Joldaýynda da saýdany keńeıtýge úlken ekpin jasaldy. Sheteldik seriktestermen kezdesken kezde ol qazaqstandyq eksporttyq jetkizilimdi ulǵaıtý perspektıvasyn talqylady. Eýropa, Shveısarııa men AQSh elderine Qazaqstan $2 mlrd  astam jalpy somasyna 263 taýar pozısııasyn usynýǵa ázir.

«Biz Reseımen saýdada eksportty quny shamamen 250 mln dollar 87 taýar pozısııasyna, Ortalyq Azııa elderimen (О́zbekstan, Tájikstan, Qyrǵyzstan, Túrikmenstan) 0,5 mlrd dollarǵa jýyq 236 óńdelgen ónimge keńeıtýge daıynbyz. Jalpy alǵanda, biz qazir ózimizdiń eksporttyq jetkizilimdi 3 mlrd dollardan artyq jalpy somasyna ulǵaıtýǵa ázirmiz», - dedi B.Sultanov.

Júrgizilgen is-sharalardyń nátıjesi boıynsha 300 mln AQSh dollarynan astam somaǵa 61 eksporttyq kelisimshart jasaldy. Qazaqstannyń Damý Bankiniń (QDB) jelisi boıynsha 13 eksporttaýshy 105,2 mlrd teńge somasyna qoldaý tapty. Biz Qytaıǵa eksportymyzdy jalpy quny 1,3 mlrd dollarǵa jýyq 60 pozısııaǵa keńeıtýge daıynbyz. Ári Qytaı naryǵy da osy taýarlardy qabyldaýǵa ázir. Ekinshi Shanhaı ımport kórmesinde 30-dan artyq otandyq óndirýshilerdiń taýarlary tanystyryldy, onyń qorytyndysy boıynsha Qytaıǵa 150 mln dollardan astam somasyna ónim jetkizýge arnalǵan kelisimsharttar jasaldy.

Ýhan qalasynda Qazaqstannyń saýda úıin ashý týraly ýaǵydalastyqqa qol jetkizdik – bul ortalyq Qytaıda halyqtyń eń kóp qonystanǵan qalasy. Odan basqa, qazaqstandyq ónimge qala dúkenderinde saýda sóreleri bólinetin boldy.

Eksportty ilgeriletý sheginde onlaın-saýdany damytý - Mınıstrlik úshin basym mindet.

Wildberries platformasynda ekonomıkanyń ártúrli salalarynyń 16 kompanııasy tirkelgen jáne 590 qazaqstandyq taýar usynyldy.

Qazir Nur-Sultan jáne Almaty qalalarynda kompanııalardyń logıstıkalyq ortalyqtaryn salý múmkindigi týraly Wildberries-pen kelissózder júrgizilýde. Olardyń bolýy kólik shyǵystaryn qysqartady jáne qazaqstandyq taýardy Reseıge, Belorýssııaǵa, Qyrǵyzstanǵa, Armenııaǵa, О́zbekstanǵa, Eýrazııalyq Odaqqa ótkizý arnalaryn keńeıtedi. «Internet-eksporttaýshy mektebi» baǵdarlamasy iske qosyldy jáne 2020 jyldyń basyna qaraı 50 kásiporyn «Altyn ónim berýshi» mártebesimen «Alibaba» halyqaralyq platformasyna shyǵarylady, al 6 kompanııa «Ebay» men «Etsy»-de tanystyryldy. Odan ári «Alibaba» alańynda qazaqstandyq pavılon qurý josparlanyp otyr, bul osy platformada bizdiń taýar óndirýshilerdiń sanyn arttyrýǵa múmkindik beredi.

Halyqaralyq saýdada taýardyń tehreglamentterden bastap oramyna deıin aýqymdy talaptar qataryna sáıkes kelýi tıis. Osyǵan baılanysty SIM shetel naryqtarynyń tehnıkalyq retteý júıeleri boıynsha aqparat jınaqtaýǵa járdemdesýde.

Mınıstrlik eksport úshin 5 basym eldi anyqtady: QHR, BAÁ, Túrkııa, Iran, Germanııa. Tamaq ónimi boıynsha 167 pozısııany jáne ónerkásip ónimi boıynsha 67 pozısııany qamtıdy. Ol boıynsha memleketterdiń tehnıkalyq retteý, standarttaý jáne sáıkestikti baǵalaý júıelerine sholýlar, sondaı-aq osy naryqtarǵa shyǵý úshin ónimniń barlyq talaptarǵa sáıkestigin qamtamasyz etý algorıtmderi daıyndalǵan.

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Uqsas jańalyqtar