«Barys» oıynshylary osydan birer kún buryn Máskeý oblysynyń «Vıtıaz» klýbynan 5:2 esebimen basym túskenimen, jeksenbi kúni QHL-diń «Batys» konferensııasynda 5-orynda kele jatqan «Spartak» komandasyna 3:1 nátıjesimen ese jiberdi. Birinshi kezeńde aıdyn ıelerinen Ilıa Zýbov mergendigimen kózge tússe, ekinshi kezeńde Artem Fedorov esepti 2:0-ge jetkizdi. Ekinshi 20 mınýtta «Barys» sapynan Arkadıı Shestakov tablodaǵy kórsetkishti bir shaıbaǵa qysqartqanymen, úshinshi kezeńde «Spartak» oıynshysy Aleksandr Hohlachev komandasynyń úshinshi golyn soǵyp, matchtyń núktesin qoıdy. Osylaısha tórt oıynǵa sozylǵan «Barystyń» jeńisti jolyn «Spartak» kesti.
Elorda komandasy kelesi kezdesýin 25 jeltoqsanda Sankt-Peterbýrgtiń SKA klýbyna qarsy ótkizedi. Match Nur-Sultan qalasyndaǵy «Barys Arena» sport kesheninde ótedi.
