Aımaqtar • 24 Jeltoqsan, 2019

Tarazda kópbalaly otbasylar baspanaly boldy

49 retkórsetildi

Búgingi tańda memleket tarapynan halyqty qoljetimdi baspanamen qamtýǵa erekshe mán berilip keledi. Prezıdent Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda «Negizgi qaǵıdat – turǵyndar, ásirese, áleýmettik turǵydan álsiz toptar úshin baspananyń qoljetimdiligin arttyrý», deı kele, baspana satyp alýǵa jaǵdaıy joq azamattarǵa áleýmettik jalǵa alý tártibimen qonystaný úshin múmkindik berý qajettigin de aıtqan edi. Sonymen qatar, memleket tarapynan «Nurly jer», «7-20-25» jáne «Baqytty otbasy» sııaqty tıimdi baǵdarlamalar qabyldandy. Memleket basshysynyń halyqty qoljetimdi turǵyn úımen qamtamasyz etý týraly tapsyrmasyna sáıkes, Jambyl óńirinde aýqymdy jumystar atqarylýda.

Taraz qalasy boıynsha bıyl «Nurly jer» baǵdarlamasy boıynsha 80 páterli 9 turǵyn úı el ıgiligine berildi. Bul jaqsy úrdis óńirde óz jalǵasyn taýyp keledi. Búgin Jambyl oblysynyń ákimi Asqar Myrzahmetov Taraz qalasyndaǵy «Qarasý» yqshamaýdanynan jańa salynyp jatqan 90 páterli jataqhananyń kiltin kópbalaly otbasylarǵa tabystady. Bul úıde turǵyndar jekeshelendirý quqyǵynsyz tura alady. Ákim óz sózinde oblystyń 80 jyldyǵyna oraı 80 nysannyń aıasynda paıdalanýǵa berilip otyrǵan turǵyn úıdiń talaı jyl boıy úı kezeginde turǵan kópbalaly jáne turmysy tómen otbasylarǵa tartý bolǵanyn, 80 jyldyq beker mal shashpaq dańǵaza toı emes, el ıgiligine arnalǵan nysandardyń ashylýymen erekshelenip otyrǵanyn jetkizdi. Sondaı-aq, jyl sońyna deıin árqaısysy 80 páterli 4 áleýmettik turǵyn úı  beriletinin atap ótti. Jalpy, bıyl Taraz qalasynan kópbalaly jáne az qamtylǵan otbasylarǵa arnalyp 12 jataqhananyń qurylysy júrgizilýde. Budan keıin sóz alǵan 12 balanyń anasy Gúlfııa Dáýitova óziniń alǵysyn bildirip, kópbalaly otbasylarǵa taǵy da osyndaı múmkindikter kóptep jasalsa eken degen tilegin jetkizdi.

Búginde Taraz qalasyndaǵy «Qarasý» jáne «Araı» móltek aýdandarynda kópbalaly otbasylarǵa arnalǵan 6 kópqabatty áleýmettik jataqhananyń qurylysy júrgizilýde. Qurylystyń jalpy aýmaǵy 8100 sharshy metrdi qurasa, páterdiń bir sharshy metriniń quny 100,2 myń teńgege aınalýda. Munda ınfraqurylym máselesi tolyqtaı sheshilgen. Búgin paıdalanýǵa berilip otyrǵan jataqhanalardyń ishki qurylysy eki bólmeli páterlerden turady. Bir páterdiń jalpy aýdany 35-40 sharshy metrdi quraıdy. Ár páterde zal jáne jatyn bólmeler, sondaı-aq, jeke as úıi, ájethanasy men jýynatyn bólmesi  bar. Sondaı-aq, kópbalaly otbasylar úshin jataqhanany jalǵa alý quny 3500 teńgeden aspaıdy.

 

Jambyl oblysy

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar