Qazaqstan • 24 Jeltoqsan, 2019

Senatta pedagog mártebesi, oqýshylar men muǵalimderdiń júkteme máseleleri qaraldy

922 retkórsetildi

Parlament Senaty Áleýmettik-mádenı damý jáne ǵylym komıtetiniń keńeıtilgen otyrysynda «Pedagog mártebesi týraly» zań jobasy qaraldy. Bul týraly Parlament Senatynyń baspasóz qyzmeti habarlady.

Zań jobasy Qazaqstan Rerspýblıkasynyń Tuńǵysh Prezıdenti – Elbasy N.Nazarbaevtyń Qazaqstan halqyna Joldaýyn júzege asyrý aıasynda ázirlengen bolatyn. Ol pedagogtardyń quqyqtaryn keńeıtýge, olardy ózine tán emes qyzmetten bosatýǵa, júktemeni azaıtýǵa, muǵalim mamandyǵyna qoıylatyn talaptardy kúsheıtýge baǵyttalǵan ári jumys isteıtin muǵalimderdiń materıaldyq turǵyda yntalandyrý tetikterin, sondaı-aq jastardy pedagog mamandyǵyna tartý máselelerin qarastyrady. 

Bul zań jobasy 21 baptan turady, onyń erejeleri mektepke deıingi, orta, tehnıkalyq jáne kásiptik, orta bilimnen keıingi bilim berý, mamandandyrylǵan, arnaýly bilim berý uıymdarynda, jetim balalar men ata-ana qamqorlyǵynsyz qalǵan balalarǵa arnalǵan qosymsha bilim berý uıymdarynyń pedagog qyzmetkerleriniń jumysyna qoldanylady.

Zań jobasynda pedagogtyń kásibı qyzmetin júzege asyrýǵa arnalǵan sharttardy eńbek zańnamasyna sáıkes jumys berýshi qamtamasyz etetini týraly ereje bekitiledi.

Bul rette elimizdiń zańdarynda kózdelgen jaǵdaılardy qospaǵanda, ony kásiptik mindetterge baılanysty emes jumys túrlerine tartýǵa; odan bilim berý salasyndaǵy zańnamada kózdelmegen esep-qısapty ne aqparatty talap etýge; elimizdiń zańdarynda kózdelmegen tekserýlerdi júrgizýge; oǵan taýarlar men kórsetiletin qyzmetterdi satyp alý jónindegi mindet júkteýge tyıym salý arqyly pedagog júktemesin qysqartý; memlekettik orta bilim berý uıymdarynyń pedagogtaryn olardyń kásibı qyzmetin júzege asyrý kezinde memlekettik emes uıymdardyń sharalaryn ótkizýge tartý jónindegi erejeler naqty belgilengen.

Pedagogterdiń quqyqtaryn keńeıtý maqsatynda olardyń quqyqtary úsh baǵyt boıynsha: kásibı qyzmetti júzege asyrý kezindegi pedagogtyń quqyqtary; pedagogtyń materıaldyq qamtamasyz etý quqyǵy; pedagogtyń kótermeleý quqyǵy jazylǵan jáne jeke baptarda kórsetilgen.

Zań jobasynyń erejelerinde pedagogtarǵa áleýmettik kepildikter, onyń ishinde: uzaqtyǵy 56 kúntizbelik kún tólenetin jyl saıynǵy eńbek demalysy; turǵylyqty jeri boıynsha mektepke deıingi uıymdarda pedagogtardyń balalaryna jergilikti atqarýshy organdardyń birinshi kezekte oryn berýi belgilengen.

Senatorlar sondaı-aq «Qazaqstan Respýblıkasynyń keıbir zańnamalyq aktilerine pedagog mártebesi, oqýshy men muǵalimge júktemeni tómendetý máseleleri boıynsha ózgerister men tolyqtyrýlar engizý týraly» zań jobasyn qarady.

Zań jobasymen birqatar zańnamalyq aktilerge ózgerister men tolyqtyrýlar engiziledi. Negizgi túzetýler elimizdiń «Bilim týraly» zańyna engizildi.

Bilim berý salasyndaǵy ýákiletti organnyń quzyreti - orta, tehnıkalyq jáne kásiptik, orta bilimnen keıingi bilim berý uıymdary pedagogtar júrgizetin mindetti qujattardyń tizbesin jáne olardyń nysandaryn ázirleý jáne bekitý jónindegi jańa ókilettiktermen tolyqtyrylady.

Zań jobasymen joǵary jáne (nemese) joǵary oqý ornynan keıingi bilim berýdiń jekelegen memlekettik uıymdarynyń birinshi basshylaryn qyzmetke taǵaıyndaý jáne qyzmetten bosatý tártibine, attestattaýdan ótý tártibine qatysty ózgerister engiziledi.

Joǵary jáne (nemese) joǵary oqý ornynan keıingi bilim berý uıymdarynda kásiptik qyzmetti júzege asyratyn, kásiptik qyzmetti júzege asyrý úshin jaǵdaılardy, onyń ishinde quqyqtardy, mindetterdi jáne áleýmettik kepildikterdi qamtamasyz etetin pedagog mártebesi týraly erejeler saqtalady. 

Senatorlar pedagogıkalyq kadrlardy daıarlaý, saýyqtyrý maqsattaryna tólemderdi arttyrý, aýyldyq jáne qala muǵalimderi úshin áleýmettik jeńildikterdi teńestirý jáne taǵy basqa máselelerdi kóterdi.

Zań jobalary Palatanyń qaraýyna berildi.

Sońǵy jańalyqtar

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Áskerı jıynǵa kimder barmaıdy?

Qazaqstan • Búgin, 11:36

El ishindegi ilkimdi is

Aımaqtar • Búgin, 10:55

Aqmolanyń jastarynda janashyrlyq mol

Aımaqtar • Búgin, 10:37

Saqtanǵan adam saý júrer

Qoǵam • Búgin, 10:32

Aqmoladaǵy kóktemgi qarbalas

Aımaqtar • Búgin, 10:20

Uqsas jańalyqtar